પશ્ચિમ ઝોનમાં ૧૫ રોડ ખોદાયા હોવાથી ત્યાંથી નીકળતાં સાચવજો

મ્યુનિસિપલ તંત્રની વેબસાઇટ પર સત્તાવાળાઓએ ગત ચોમાસા પછી અને આ વખતના ચોમાસા પહેલાં ખોદકામ કરેલા કુલ ૨૫૯ કરોડની વિગત મૂકી છે, જેમાં જે તે ઝોન, પ્રોજેક્ટ, ડ્રેનેજવોટર પાઇપલાઇનના ખોદાણની વગેરે માહિતી કામગીરી અપાઈ

અમદાવાદ, શનિવાર

શહેરીજનો માટે ચોમાસાની ઋતુ આમ પણ બિસમાર રોડના કારણે મુશ્કેલભરી બને છે, કેમ કે ડામર અને પાણી વચ્ચે વેર હોઈ ભારે વરસાદથી ગમે તેવા સારા રોડ પણ તૂટી જતાં તેમાં ઠેરઠેર ખાડા પડવાની ભારોભાર શક્યતા રહેલી છે, જોકે આ વખતે ખુદ મ્યુનિ. તંત્ર દ્વારા અપાયેલી જાહેર ચેતવણીના આધારે એ વિગત પર પ્રકાશ પાડવાનો થાય છે કે પશ્ચિમ ઝોનમાં કુલ ૧૫ રોડ પર એક અથવા બીજા કારણસર ઊંડાં ખોદાણ થઈ ચૂક્યાં હોઈ આગામી ચોમાસામાં તે વાહનચાલકો માટે જોખમી પુરવાર થઈ શકે છે, જેના કારણે ત્યાંથી પસાર થતી વખતે સાવચેતી રાખી અવરજવર કરવાની ખાસ જરૂર છે.