આ આદતોથી વૃદ્ધાવસ્થામાં પણ ટકી શકશે સ્ટેમિના

મહિલાઓની જેમ પુરુષોમાં એસ્ટ્રોજન અને પ્રોજેસ્ટેરોન હોર્મોન હોતા નથી, જે હૃદય કે અન્ય બીમારીથી બચાવવામાં મદદ કરે છે. તેથી હાર્ટએટેક, મેદસ્વિતા, ડાયાબિટીસ, હાઇ કોલેસ્ટ્રોલ, નસો બ્લોક થવાનો ખતરો પુરુષોમાં વધુ હોય છે

ભાગદોડ ભરેલી જિંદગીમાં પોતાનો સ્ટેમિના જાળવી રાખવો મુશ્કેલ કામ છે. સૌથી વધુ પુરુષો ઘર કરતાં વધુ બહાર રહેવાના કારણે અને ખોટી આદતોના કારણે પોતાનો સ્ટેમિના ગુમાવી દે છે. એક્સપર્ટ્સ માને છે કે પુરુષોએ પોતાના આરોગ્યનું વિશેષ ધ્યાન રાખવાની જરૂર છે. જાણો પુરુષોએ કઇ કઇ હેલ્ધી હેબિટ અપનાવવી જોઇએ.

મહિલાઓની જેમ પુરુષોમાં એસ્ટ્રોજન અને પ્રોજેસ્ટેરોન હોર્મોન હોતા નથી, જે હૃદય કે અન્ય બીમારીથી બચાવવામાં મદદ કરે છે. તેથી હાર્ટએટેક, મેદસ્વિતા, ડાયાબિટીસ, હાઇ કોલેસ્ટ્રોલ, નસો બ્લોક થવાનો ખતરો પુરુષોમાં વધુ હોય છે.

સંપૂર્ણ આહાર લો

ડાયટમાં સંપૂર્ણ અને અનપ્રોસેસ્ડ ફૂડને સામેલ કરો. ભરપૂર માત્રામાં ફળ, શાકભાજી, સાબૂત અનાજ, લીન પ્રોટીન અને હેલ્ધી ફેટ લો. આ ખાદ્યપદાર્થ આવશ્યક પોષક તત્ત્વો, ફાઇબર અને એન્ટિઓક્સિડન્ટ પ્રદાન કરે છે, જે સંપૂર્ણ સ્વાસ્થ્યને વધારે છે.