હિમાચલમાં ભારે વરસાદ, ભૂસ્ખલન અને પૂર: યુપી-બિહારમાં પણ વરસાદી આફતનું એલર્ટ

શિમલા વિખૂટું પડી ગયું: ર૪ દિવસથી ૨૧૫ રસ્તા બંધ

નવી દિલ્હી, સોમવાર

દેશના અનેક વિસ્તારોમાં વરસાદ પડી રહ્યો છે. હવામાન વિભાગ અનુસાર હિમાચલમાં ભારે વરસાદ માટે યલો એલર્ટ જાહેર કર્યું છે. શિમલા વિખૂટું પડી ગયું છે. છેલ્લા ૨૪ દિવસથી ૨૧૫ રસ્તા બંધ છે. બિહારના ઘણા જિલ્લાઓમાં ભારે વરસાદની ચેતવણી પણ જાહેર કરવામાં આવી છે. ઉત્તર પ્રદેશમાં હવામાન વિભાગે આગામી પાંચ દિવસ સુધી હળવાથી ભારે વરસાદની સંભાવના વ્યક્ત કરી છે. યુપીમાં જોરદાર પવન ફૂંકાવાની સંભાવના છે. બીજી તરફ દિલ્હીમાં આગામી ત્રણ-ચાર દિવસ સુધી વરસાદની સંભાવના છે. ૧૦ ઓગસ્ટથી રાજધાનીમાં હળવાથી મધ્યમ વરસાદનો આગામી રાઉન્ડ શરૂ થઈ શકે છે.