ઉત્તર પશ્ચિમ ઝોનમાં રોડ પરનાં લૂઝ દબાણો સહિતના મામલે રૂ. ૧૬,૫૦૦ની પેનલ્ટી કરાઈ

દક્ષિણ પશ્ચિમ ઝોનમાં ૧૪ વાહનોને તાળાં મારી રૂ. ૭,૦૦૦નો દંડ વસૂલાયો

અમદાવાદ, શુક્રવાર

શહેરના ઉત્તર પશ્ચિમ ઝોન હદ વિસ્તારમાં એસ્ટેટ વિભાગની ટીમે રોડ પરના દબાણો કે જંકશન પરના દબાણો અને ટ્રાફિકમાં તેમજ રાહદારીઓને અડચણરૂપ થતા દબાણો દૂર કરવા ખાસ ઝૂંબેશ હાથ ધરી છે, જે અંતર્ગત જાહેર રોડ પરની સ્વચ્છતા પણ જાળવવામાં આવી રહી છે. દરમિયાન ગઈ કાલે ઉત્તર પશ્ચિમ ઝોનમાં તંત્રએ રોડ પરના લૂઝ દબાણો સહિતના મામલે કસૂરવારો પાસેથી રૂ. ૧૬,૫૦૦નો દંડ વસૂલ્યો હતો.