ઘોડાસરમાં પાર્ક કરેલી કારમાં વહેલી પરોઢે ભેદી રીતે આગ ભભૂકી ઊઠી

આગ ચાંપી હોય તેવી ચર્ચાએ જોર પકડ્યું છે

શહેરના ઘોડાસર વિસ્તારમાં આવેલા સ્મૃતિ મંદિર નજીક પાર્ક કરેલી સંખ્યાબંધ કારમાં એકાએક આગ ભભૂકી ઊઠતાં ચકચાર મચી ગઈ છે. આગ લાગવા પાછળનું કારણ અકબંધ છે, પરંતુ કોઈએ જાણી જોઈને આગ ચાંપી હોય તેવી ચર્ચાએ જોર પકડ્યું છે. આગ લાગવાના કારણે સ્થાનિકો જાગી ગયા હતા અને તાત્કાલિક ફાયર બ્રિગેડની ટીમને જાણ કરી દીધી હતી. ફાયર બ્રિગેડની ટીમે ઘટનાસ્થળે આવીને આગ પર કાબૂ મેળવી લીધો હતો, જ્યારે પોલીસે પણ આ મામલે તપાસનો ધમધમાટ શરૂ કર્યો છે.