આનંદોઃ અમિત શાહના હસ્તે શહેરીજનોને રૂ. ૪૪૭ કરોડનાં વિકાસકામોની ભેટ અપાઈ

તેમણે ગોતાના આરોગ્ય ચકાસણી કેમ્પ ખાતેથી મેડિકલ મોબાઈલ વાનને લીલી ઝંડી દાખવી

કેન્દ્રીય ગૃહપ્રધાન અને ગાંધીનગરના સંસદસભ્ય અમિત શાહ આજથી બે દિવસની ગુજરાતની મુલાકાતે આવ્યા છે. આ બે દિવસની મુલાકાત દરમિયાન તેઓ વિવિધ કાર્યક્રમોમાં હાજરી આપવાના છે. નવરાત્રીના વિવિધ કાર્યક્રમોમાં પણ તેઓ હાજર રહેશે. દરમિયાન, તેમના હસ્તે શહેરીજનોને આજે સવારે રૂ. ૪૪૭ કરોડનાં વિવિધ વિકાસકામોની ભેટ આપવામાં આવી હતી. મુખ્યપ્રધાન ભૂપેન્દ્ર પટેલની ઉપસ્થિતિમાં ભાડજ ગામ ખાતે યોજાયેલા કાર્યક્રમ દરમિયાન તેમણે વિકાસકામોનાં લોકાર્પણ અને ખાતમુહૂર્ત કર્યાં હતાં.