હાથીજણની અવાવરું જગ્યામાં ધમધમતી દેશી દારૂની ફેકટરી પર એ સપાટો બોલાવ્યો

એસએમસીએ ત્રણ આરોપીને ૧,૩૨૦ લિટર દેશી દારૂ સહિતના મુદ્દામાલ સાથે ઝડપી લીધા

અમદાવાદ ફરતે આવેલી કેટલીક અવાવરું જગ્યા, નદીના પટમાં દેશી દારૂની ભઠ્ઠીઓ ધમધમી રહી છે. દેશી દારૂની ભઠ્ઠીઓનો અનેક વખત પર્દાફાશ થાય છે, પરંતુ કેટલાક ભ્રષ્ટ પોલીસ કર્મચારીના કારણે તે ફરીથી ધમધમી ઊઠે છે. અસલાલી, હાથીજણ સહિતની જગ્યા પર દેશી દારૂની ભઠ્ઠીઓ આવેલી છે. ગઇ કાલે સ્ટેટ મોનિટરિંગ સેલની ટીમે હાથીજણ વિસ્તારમાં આવેલી અવાવરું જગ્યામાંથી દેશી દારૂની ભઠ્ઠી ઝડપી પાડી છે. હાથીજણ દેશી દારૂનાં પ્રોડક્શન માટે બદનામ છે અને રાજ્યનો સૌથી સસ્તો અને ખરાબ દારૂ અહીંથી મળી રહે છે.