આવતી કાલથી હિન્દુ નવા વર્ષનો પ્રારંભ ગુડી પડવો. ચૈત્રી નવરાત્રી.ચેટીચાંદનો ત્રિવેણી સંગમ

માઈભક્તો માનાં ચરણોમાં શીશ ઝુકાવશેઃ મરાઠી સમાજ ગુડીનું પૂજન કરશે સિંધી સમાજ ચેટીચાંદમાં ભગવાન ઝુલેલાલના આશીર્વાદ લેશે

- 

આવતી કાલથી શાલિવાહન શક ૧૯૪૭ વિશ્વાવસુ નામના શક સંવત્સરનો પ્રારંભ થઈ રહ્યો છે. હિન્દુ નવા વર્ષના પ્રારંભને મહારાષ્ટ્રીયન સમાજ પણ નવા વર્ષ તરીકે મનાવે છે. આ દિવસે ચૈત્રી નવરાત્રી, ગુડી પડવો, ચેટીચાંદનો સુભગ સમન્વય થઈ રહ્યો છે. ચૈત્રી નવરાત્રી આધ્યાત્મિક શક્તિના સંચાર માટે શ્રેષ્ઠ માનવામાં આવે છે. સમગ્ર વર્ષમાં ચાર નવરાત્રીનું મહત્ત્વ છે, જેમાં ચૈત્રી નવરાત્રી આ વર્ષે રવિવારથી પ્રારંભ થઈ ૬ એપ્રિલ ને રવિવારના રોજ પૂર્ણ થશે. ચૈત્રી નવરાત્રીના પ્રારંભે માતાજી હાથીના વાહન ઉપર સવાર થઈને પધારી રહ્યાં છે.