“ஐ.ம.ச. எம்.பிக்களுக்கு பிரச்சினை வரலாம்”

நாட்டின் பிரஜை அல்லாத டயனா கமகேமவினால் உருவாக்கப்பட்ட ஐக்கிய மக்கள் சக்தி கட்சி சட்டப்பூர்வமானதா? என்ற கேள்விகள் எழுகிறது என அமைச்சர் கஞ்சன விஜேசேகர தெரிவித்தார்.

கடந்த பொதுத் தேர்தலின் போது, அக்கட்சியின் வேட்பு மனுவில் அவர் கையெழுத்திட்டிருந்தாலோ, தற்போதைய கட்சி செயலாளருடன் அவர் உடன்படிக்கையைச் செய்திருந்தாலோ அந்தக் கட்சியின் பாராளுமன்ற உறுப்பினர்கள் பிரச்சினைகளுக்கு முகங்கொடுக்க நேரிடலாம் என்றும் தெரிவித்தார்.

பாராளுமன்றத்தில் புதன்கிழமை (08) நடைபெற்ற இராஜதந்திர சிறப்புரிமை மீதான விவாதத்தில் உரையாற்றுகையிலேயே அவர் இதனைக் கூறினார்.

இராஜாங்க அமைச்சர் டயனா கமகேமவின் எம்.பி. பதவி தொடர்பில் உயர்நீதிமன்றத்தினால் தீர்ப்பு அறிவிக்கப்பட்டுள்ளது. அந்தத் தீர்ப்பைச் சவாலுக்கு உட்படுத்தப் போவதில்லை. ஆனால், இதில் பிரச்சினையொன்று உள்ளது.