அக்டோபர் 15ஆம் தேதி முதல், குடும்ப நீதிமன்ற நீதிபதிகளுக்குக் கூடுதல் அதிகாரம்

சிங்கப்பூரில், திருத்தப்பட்ட குடும்ப நீதிச் சட்டம் 2024 அக்டோபர் 15ஆம் தேதி நடப்புக்கு வந்த பின்னர் குடும்ப நீதிமன்ற நீதிபதிகளுக்கு அதிக அதிகாரம் கிடைக்கும்.

குழந்தையின் நல்வாழ்வுக்கு ஊறு விளைவிக்கக்கூடிய அல்லது மணவிலக்கு நடைமுறைகளில் தேவையற்ற தாமதத்தை ஏற்படுத்தக்கூடிய தகுதியற்ற விண்ணப்பங்களைத் தடுக்கும் அதிகாரத்தை அப்போது முதல் குடும்ப நீதிமன்ற நீதிபதிகள் பெறுவர்.

இதனை விளக்கி திங்கட் கிழமை (செப்டம்பர் 16) மாலை குடும்ப நீதிமன்றம் அறிக்கை ஒன்றை வெளியிட்டது. திருத்தச் சட்டத்தில் இடம் பெறும் மேலும் சில அம்சங்கள் அந்த அறிக்கையில் இடம்பெற்று இருந்தன.