45வது ஆசியான் உச்சநிலை மாநாட்டில் உரையாற்றிய பிரதமர் லாரன்ஸ் வோங் மக்களின் வாழ்க்கையை மேம்படுத்துவதில் கவனம்

ஐரோப்பாவிலும் மத்தியக் கிழக்கிலும் நடக்கும் போர்கள், அமெரிக்காவுக்கும் சீனாவுக்குமிடையே வளர்ந்துவரும் நம்பிக்கையின்மையும் சந்தேகமும், தென்சீனக் கடல் விவகாரம் போன்ற பதற்றங்கள் அதிகரித்துவரும் சூழலில் தென்கிழக்காசிய வட்டாரத்தின் மேம்பாட்டுக்கும் அதன் மக்களின் வாழ்க்கையை மேம்படுத்துவதிலும் ஆசியான் நாடுகள் கவனம் செலுத்தவேண்டும் என்று பிரதமர் லாரன்ஸ் வோங் கூறியுள்ளார்.

- இர்ஷாத் முஹம்மது

பொருளியல் செயல்திறனையும் தடையற்ற வர்த்தகத்தையும் பொருட்படுத்தாமல் தேசிய பாதுகாப்புக்கு முன்னுரிமை கொடுக்கும் நாடுகள் அதிகரித்துவருவதால் உலகளாவிய பொருளியல் விரிசல் கண்டு அனைவரிடத்திலும் தாக்கத்தை ஏற்படுத்தும் என்பதையும் 45வது ஆசியான் உச்சநிலை மாநாட்டில் உரையாற்றியபோது பிரதமர் சுட்டினார்.

உறுப்பு நாடுகளின் குடிமக்களுக்கும் பங்காளித்துவ நாடுகளுக்கும் ஆசியான் பயனுள்ளதாக இருக்க அது முக்கியம் என்றார் அவர்.