சூரிய மின்சக்தி இறக்குமதிக்கு நிபந்தனையுடன் கூடிய ஒப்புதல்

சிங்கப்பூர் 2035ஆம் ஆண்டு முதல் ஆஸ்திரேலியாவிலிருந்து 1.75 கிகாவாட் சூரிய மின்சக்தியை இறக்குமதி செய்வதற்கு நிபந்தனையுடன் கூடிய ஒப்புதலை வழங்கியுள்ளது.

வர்த்தக, தொழில் இரண்டாம் அமைச்சர் டான் சீ லெங் அக்டோபர் 22ஆம் தேதி இதைத் தெரிவித்தார்.

‘சன் கேபிள்’ எனும் 31.5 பில்லியன் வெள்ளி மதிப்பிலான இந்தத் திட்டத்தின்கீழ் ஆஸ்திரேலியாவின் வடக்குப் பகுதியில் மிகப் பெரிய சூரிய மின்சக்தி ஆலை அமைக்கப்படும்.

பின்னர் டார்வினிலிருந்து கடலடிக் கம்பிவடம் மூலமாக 4,200 கிலோமீட்டர் தொலைவைக் கடந்து மின்சாரம் சிங்கப்பூரை வந்தடையும்.