‘காமன்வெல்த் கூட்டணி சிங்கப்பூருக்குத் தேவை’

உலக நாடுகள் தனித்தனிப் பாதையில் செல்லக்கூடிய காலகட்டத்தில், மற்ற நாடுகளுடனான நட்பை வலுப்படுத்தி உறவுகளைப் பராமரிக்க காமன்வெல்த் கூட்டமைப்பு போன்ற குழுக்களை சிங்கப்பூர் விரும்புகிறது என்று பிரதமர் லாரன்ஸ் வோங் தெரிவித்து உள்ளார்.

- 

“அதனால்தான் காமன்வெல்த் என்னும் ஒரு குழுவுடன் மட்டுமல்லாமல் அதன் 55 நாடுகளுடன் தனித்தனியாகவும் நட்புறவு கொள்வதில் சிங்கப்பூர் தொடர்ந்து நன்மதிப்பை காண்கிறது,” என்றும் அவர் சனிக்கிழமை (அக்டோபர் 26) கூறினார்.

“சிங்கப்பூர் எந்த அளவுக்கு வெளிப்படையானது என்பதைக் கருத்தில்கொள்ளும்போது அதுபோன்ற தொடர்புகள் அவசியம்.

“அதனால்தான், அதிக நாடுகளை நட்பாக்கிக்கொள்வதிலும் அவற்றுடன் இணைந்து பணியாற்றுவதற்கான புதிய வழிகளைக் கண்டுபிடிப்பதிலும் சிங்கப்பூர் நாட்டமாக உள்ளது,” என்றார் அவர்.