மின்னிலக்கச் சாதனங்களிலிருந்து விலகுவதால் ஏற்படும் நன்மை

விரல் நுனியில் தொடர்ந்து தொழில்நுட்பத்தை அணுக இயலும் இன்றைய வேகமான, நவீன உலகில் அமைதியாக ஓய்வெடுப்பது என்பது சற்றுச் சவாலான ஒன்று.

- கீர்த்திகா ரவீந்திரன்

மின்னிலக்கம், தொழில்நுட்பத்திலிருந்து சிறிது காலம் விலகியிருந்ததால் தனது மன ஆரோக்கியத்திற்கு மிகவும் பயனுள்ளதாக அமைந்தது என்கிறார் நா. ரேணுகா.

முழுநேர ஆசிரியராகப் பணி புரியும் இவர், தனது வேலையின் காரணமாகத் தொடர்ந்து மின்னிலக்கக் கருவிகளை ஓய்வு நாள்களிலும் பயன்படுத்தினார். "தொடர்ந்து வேலையில் மூழ்கியிருந்தேன். எனக்கான நேரத்தை ஒதுக்க முடியவில்லை," என்றார் அவர்.

மின்னிலக்கச் சாதனங்களிலிருந்து நாமாக விலகியிருப்பது வாழ்வின் மீதான கட்டுப்பாட்டை மீண்டும் பெறவும், தொழில்நுட்பத்தை ஆரோக்கியமான முறையில் பயன்படுத்தவும் உதவும்.

"இவ்வாறு செய்யும்போது திறன்பேசிகள், கணினிகள் மற்றும் பிற மின்னணுச் சாதனங்களின் பயன்பாட்டைக் கட்டுப்படுத்தலாம்," என்றார் ரேணுகா.