ஆஸ்திரேலியாவில் சிங்கப்பூரின் ராணுவப் பயிற்சிப் பகுதி விரிவாக்கம்

சிங்கப்பூர் ஆயுதப்படையும் ஆஸ்திரேலியத் தற்காப்புப் படையும் தங்களின் ராணுவப் பயிற்சிகளை நடத்துவதற்காக இரு நாடுகளும் இணைந்து விரிவுபடுத்தப்பட்ட 'ஷோல்வாட்டர் பே' பயிற்சிப் பகுதியை மேம்படுத்தியுள்ளன.

விரிவுபடுத்தப்பட்ட பயிற்சிப் பகுதி சிங்கப்பூரின் மொத்தப் பரப்பளவில் ஐந்து மடங்காகும்.

கிட்டத்தட்ட எட்டு ஆண்டுகள் நடந்துவந்த விரிவாக்கப் பணிகளின் நிறைவைக் குறிக்கும் வகையில் ஆஸ்திரேலியாவின் குவீன்ஸ்லாந்து மாநிலத்தில் அமைந்துள்ள ராக்ஹேம்டன் நகரை ஒட்டிய பகுதியில் புதிதாகக் கட்டப்பட்டுள்ள 'கேம்ப் டில் பால்' ராணுவ முகாமில் அனுசரிப்பு நிகழ்வு நடைபெற்றது.