புதிய அணுகுமுறை; ஆம்புலன்சுக்கு முன்னுரிமை

சிங்கப்பூர் குடிமைத் தற்காப்புப் படைக்குச் சொந்தமான ஆம்புலன்ஸ் வாகனங்களுக்குக் குறிப்பிட்ட சில போக்குவரத்து விளக்குகளில் புதிய போக்குவரத்து முன்னுரிமை அணுகுமுறை நடைமுறைப்படுத்தப்படுகிறது.

இதன் விளைவாக நோயாளிகளை ஏற்றிச் செல்லும் ஆம்புலன்ஸ் வாகனங்கள் மருத்துவமனையை விரைவாக அடைந்துவிட முடியும் என்று தெரிவிக்கப்பட்டுள்ளது.

போக்குவரத்து முன்னுரிமை அணுகுமுறை குறித்து கடந்த ஜூலை மாதம் நடைபெற்ற சிங்கப்பூர் குடிமைத் தற்காப்புப் படையின் பணித்திட்டக் கருத்தரங்கின்போது அறிவிக்கப்பட்டது.

இந்த அணுகுமுறையின் மூலம் நோயாளிகளை ஏற்றிச் செல்லும் ஆம்புலன்ஸ் வாகனங்கள், மருத்துவமனைக்கு அருகில் உள்ள சாலைச் சந்திப்புகளில் நிறுத்த தேவையில்லை, சிவப்பு விளக்கு எரியும்போது அதைக் கடந்து செல்லும் நிலையும் ஏற்படாது என்று தெரிவிக்கப்பட்டது.