மூலாதாரப் பணவீக்கம் நவம்பரில் 1.9% ஆக சரிவு

மூலாதாரப் பணவீக்கம் நவம்பரில் தொடர்ந்து சரிந்து, மூன்றாண்டுகளில் இல்லாத அளவுக்குக் குறைந்தது.

தனியார் போக்குவரத்து, தங்குமிடச் செலவுகளைச் சேர்க்காத மூலாதாரப் பணவீக்கம், ஆண்டு அடிப்படையில் 1.9 விழுக்காடாகக் குறைந்தது. அக்டோபரில் அது 2.1 விழுக்காடாக இருந்தது.

2021 டிசம்பருக்கு (2.1 விழுக்காடு) பிறகு இதுவே ஆகக் குறைவான மூலாதாரப் பணவீக்கம்.

ஒட்டுமொத்த பணவீக்கம் ஆண்டு அடிப்படையில் நவம்பரில் 1.6 விழுக்காடாக உயர்ந்தது. அக்டோபரில் அது 1.4 விழுக்காடாக இருந்தது. தனியார் போக்குவரத்து செலவுகள் இன்னும் படிப்படியாகக் குறைந்ததே இந்த லேசான உயர்வுக்குக் காரணம்.