நான் ரகுமான், யுவன் சங்கரின் தீவிர ரசிகன்: மனம் திறக்கும் ஹாரிஸ் ஜெயராஜ் மகன்

இசைத்துறையில் இது இளையர்களுக்கான காலம் எனலாம். ஒரு காலத்தில் யுவன் சங்கர் பதின்ம வயதிலேயே இசையமைக்கத் தொடங்கி பாராட்டுகளைப் பெற்றார்.

பின்னர் ஜி.வி.பிரகாஷ், அனிருத் என்று தொடர்ந்த அந்த வரிசை தற்போது சாய் அபயங்கர், பால்டப்பா அஜிஸ் என்று வளர்ந்து வருகிறது.

இந்நிலையில் ‘ஐயையோ’ என்ற பாடலின் மூலம் இந்தப் பட்டியலில் இணைந்துள்ளார் இசையமைப்பாளர் ஹாரிஸ் ஜெயராஜ் மகன் சாமுவேல் நிகோலஸ்.

இனி அவர் சொல்வதைக் கேட்போம்.

“நான் அப்பாவின் இசைக்கு தீவிர ரசிகன். அதே போல் ரஹ்மான், யுவன்சங்கர் ராஜா ஆகியோரின் பாடல்களும் மிகவும் பிடிக்கும். எனவே இவர்களைப் போன்று நாமும் ஒரு பாடலை உருவாக்க வேண்டுமென திட்டமிட்டேன்.

“சரியாகச் சொன்னால் கடந்த 2000ஆம் ஆண்டுக்குப் பிறகு வந்த பாடல்கள் எனக்கு மிகவும் பிடித்தமானவை. ஆனால் அதுபோன்ற பாடல்கள் ஏன் இப்போது வருவதில்லை என்று அடிக்கடி யோசிப்பேன்.