இணைய மோசடி: ரூ.1,600 கோடி இழப்பு

சென்னை: தமிழகத்தில் கடந்த ஆண்டு மட்டும் 1,600 கோடி ரூபாய் பணத்தை இணைய மோசடிக்காரர்களிடம் பொதுமக்கள் இழந்துள்ளதாக தமிழக முன்னாள் காவல்துறை தலைமை இயக்குநர் சைலேந்திர பாபு தெரிவித்தார்.

- 

சென்னை பெசன்ட் நகர் எலியட்ஸ் கடற்கரையில் 16ஆம் தேதி (ஞாயிற்றுக்கிழமை) இணைய மோசடிகளைத் தடுப்பது குறித்த விழிப்புணர்வுப் பேரணி நடைபெற்றது.

சென்னை பெருநகரக் காவல் துறையின் மத்திய குற்றப்பிரிவும் போரூர் ஸ்ரீராமச்சந்திரா உயர் கல்வி ஆராய்ச்சி நிறுவனக் கல்லூரியும் இணைந்து இந்நிகழ்வை நடத்தின.

இதில் சிறப்பு விருந்தினராக திரு சைலேந்திர பாபு கலந்து கொண்டு, விழிப்புணர்வுப் பேரணியைக் கொடியசைத்து தொடங்கி வைத்தார்.