காற்றுமாசு அதிகம்: 5வது இடத்தில் இந்தியா

புதுடெல்லி: காற்று மாசு அதிகமுள்ள நாடுகளின் பட்டியலில் இந்தியா ஐந்தாவது இடத்தில் இருப்பதைச் சுட்டிக்காட்டி, மத்தியில் ஆளும் பாஜக அரசைக் காங்கிரஸ் சாடியுள்ளது.

- 

ஸ்விட்சர்லாந்தைச் சேர்ந்த காற்றுத் தரக் குறியீட்டுத் தொழில்நுட்ப நிறுவனம் ஒன்று, 2024 ஆம் ஆண்டின் தரவுகள் அடிப்படையில் காற்று மாசு அதிகமுள்ள நாடுகள், நகரங்கள் உள்ளிட்டவற்றின் பட்டியலை வெளியிட்டுள்ளது.

138 நாடுகள் மற்றும் 8,954 நகரங்களின் காற்றுத் தரக் குறியீட்டுத் தரவுகளை அந்நிறுவனம் சேகரித்தது.

40,000க்கும் மேற்பட்ட காற்றுத் தர கண்காணிப்பு நிலையங்களிலிருந்து தரவுகளைப் பெற்று, இந்த பட்டியலை அந்நிறுவனம் தயாரித்தது.

காற்று மாசை அளவிடும் PM 2.5 நுண்துகளின் அடர்த்தி அடிப்படையில் நாடுகள் தர வரிசைப்படுத்தப்பட்டன.