సింగిల్ పేజీ కథ

అదో చిన్న పట్టణం.బ్యాంకులోని ఉద్యోగస్తులంతా కలిసి వరుసగా ఇండ్లు కట్టుకుని దానిక్ 'బ్యాంకు కాలనీ' అని నామకరణం చేశారు.

- ఆర్. సి. కృష్ణస్వామి రాజు 

అదో చిన్న పట్టణం.బ్యాంకులోని ఉద్యోగస్తులంతా కలిసి వరుసగా ఇండ్లు కట్టుకుని దానిక్ 'బ్యాంకు కాలనీ' అని నామకరణం చేశారు. బ్యాంకు ఫీల్డ్ ఆఫీసర్ భువనచంద్ర భార్య భరణిది ఆ రోజు పుట్టినరోజు. కాలనీ వాసులు వాట్సప్ పుర ఎగబడి శుభాకాంక్షలు తెలిపారు. ఖుషీ అయింది.

భరణి కూరగాయలు అమ్మే అబ్బాయి వచ్చాడని బ్యాగు తీసుకుని ఇంటి నుంచి బయటికి వచ్చింది. పట్టుచీర కట్టుకుని బంగారు నగలు వేసుకుని మెరుపు ముఖంతో ఉంది. కావాల్సిన కూరగాయలు కొంటుంటే ఎదురింటి వెంకటేశు భార్య వెన్నెల అక్కడికి వచ్చింది. పలకరింపుగా చిన్న నవ్వు నవ్వి కొత్తిమీర, కరివేపాకు కొంటూ ఉంది.

భరణికి చిరుకోపం వచ్చింది.ఎందుకంటే 'ఫేస్ బుక్ అందరికన్నా ఎక్కువ పూలు విసురుతూ శుభాకాంక్షలు తెలిపింది. ఎదురుగా కనిపిస్తే గ్రీట్ చేయలేదేమిటా?" అని దిగులు పడింది.

“పనుల్లో పడి బర్త్ డే విషయం మరిచిపోయిందేమో” అనుకుని సర్దుకుంది. మనమైనా పలకరించకపోతే బాగుండదనుకున్న భరణి తెచ్చిపెట్టుకున్న నవ్వుముఖంతో "మీ అబ్బాయి టెన్త్ కదా.. పై చదువులకి ఏ కాలేజీలో చేరుద్దామని అనుకుంటున్నారు?” అని అడిగింది.

కొనుక్కున్న కొత్తిమీర, కరివేపాకులను బ్యాగులో వేసుకున్న వెన్నెల "అన్ని విషయాలు తెలుసుకుని చైనాలో ఏదో ఒకటి, మంచి కోర్సులో చేరుద్దామని అనుకుంటున్నాం" అని చెప్పి వెళ్లిపోయింది.