ప్రాచీనాంధ్ర సాహితీ ప్రస్తానం

తెలుగు నుడి, నానుడి గ్రంథాన్ని రచించిన డా॥ బి.స. బంగారయ్య, సుమారు 60 సంవత్సరాల క్రితం, సంస్కృత సాహిత్యం నుండి అనువాదం చేసేటప్పుడు ప్రాచీన ఆం

- జయ సూర్య

తెలుగు నుడి, నానుడి గ్రంథాన్ని రచించిన డా॥ బి.స. బంగారయ్య, సుమారు 60 సంవత్సరాల క్రితం, సంస్కృత సాహిత్యం నుండి అనువాదం చేసేటప్పుడు ప్రాచీన ఆంధ్ర కవులు కుండపోతగా సంస్కృతాన్ని ఉపయోగించి తెలుగును నిరాదరణకు గురి చేసారని ఆరోపించారు. తెలుగు మాటల వాడుక గిట్టని, పట్టని సంస్కృత పండితులు దేవభాష సంస్కృతం అంటే మరులెక్కువ చూపించడం వలన తెలుగు మరుగున పడిందని, ప్రాచీన కాలంనాటి కవి పండిత వైఖరిని ఆయన విమర్శించారు. ఎందరో కవులు నన్నయ బాటనే అనుసరించారని, కానీ శైవ కవులు మాత్రం దేశికవితకు పట్టం కట్టారని పేర్కొన్నారు.

నన్నయ అనుసరించిన మార్గకవితలో, తెనుగు పలుకుబడి లేదని, దేశి కవితలో సంస్కృత వాసన అంతగా లేకపోవటంతో నాడు తెలుగు విలసిల్లిందని పేర్కొన్నారు. నిజమే తెలుగుకు మహా కావ్య గౌరవం కల్గించిన వారిలో తిక్కన అగ్రేసరుడు.గేయ కవితలు అల్లిన తాళ్లపాక కవులు, క్షేత్రయ్య మొదలైనవారు తెలుగుకు వెలుగు అందించిన మాట వాస్తవమే. తెలుగు గ్రంథాలలో సంస్కృతమే కొలువు చేసిందని, అది సంస్కృత శ్లోకమా? తెలుగు పద్యమా? అనే అనుమానం వచ్చేదాక తెలుగును విడిచి సంస్కృతాన్ని వాడారని అంటూ ఈ విధంగా అవటానికి కారణం చరిత్రగతి అన్నారు. ఆ చరిత్ర పునరావృతం కాకుండా పరాకు లేకుండా ఉండాలని హెచ్చరించారు. బెజవాడ కార్య స్థానంగా డా॥ బి.స. బంగారయ్య తన అభిప్రాయాన్ని సమర్థించుకొంటూ తెలుగు నానుడి కూటమి ద్వారా 'తెలుగు నుడి, నానుడి' వంటి రచనలను వెలువరించారు.