ആരെയും വിറപ്പിക്കുന്ന ഒടിയൻ

വിദഗ്ധമായി എതിരാളികളെ നേരിട്ട് സൂത്രത്തിൽ ചതിച്ചു കൊല്ലുക തന്നെയാണ് ഒടിവിദ്യ അങ്ങനെ ബോധം കെട്ടുവീണ ആളുകളുടെ അറുപത്തിനാലു മർമ്മങ്ങളിലൊന്നിൽ ഒടിയന്റെ കൈവിരൽ തൊട്ടാൽ ഏഴു ദിവസത്തിനുള്ളിൽ തക്കതായ പ്രതിവിധി ചെയ്തില്ലെങ്കിൽ ആള് മരിച്ചു പോകുമത്രേ.

- ബൈജുരാജൻ: 9995011652, email:brshivoham@gmail.​com

ഈ മൂർത്തിയെപ്പറ്റിയുള്ള കഥകൾക്ക് കൈയും കണക്കുമില്ല. നിർദ്ദിഷ്ട പതിയോഗിയെ ഒടിച്ചു കൊല്ലുകയാണിതിന്റെ ലക്ഷ്യം. ഈ ഒടിപ്രയോഗത്തെപ്പറ്റി പണ്ടുകാലങ്ങളിൽ ഇത് സ്വയം നടത്തുകയും 'ഒടി' മരണം പെട്ടെന്നുണ്ടാകുന്ന ഷോക്കുമൂലം സംഭവിക്കുന്നതാണെന്നും പറയുന്നു. ഷോക്ക് ഏൽക്കാത്ത ധീരനാണ് പ്രതിയോഗിയെങ്കിൽ ചില മർമ്മ പ്രയോഗങ്ങളും ചെയ്യാറുണ്ടത്രേ. ഗ്രാമപ്രദേശങ്ങളിൽ വിശേഷിച്ചും കുന്നും കുറ്റിക്കാടും ധാരാളമുള്ള വള്ളുവനാട് പാലക്കാട് താലൂക്കുകളിൽ രാത്രി ഒറ്റയ്ക്ക് നടന്നു പോകുമ്പോഴാണ് ഇതു ചെയ്യുന്നത്. മലബാർ പ്രദേശങ്ങളിൽ പണ്ട് ഒടിയന്മാർ എന്നൊരു കൂട്ടർ അതിവിഗദ്ധമായി ശത്രൂക്കളെ കൊല്ലുമായിരുന്നു. ഇന്നത്തെ വാടകകൊലയാളികൾ പോലെ തന്നെ വിദേശങ്ങളിലും കില്ലേഴ്സ് എന്ന ഒരു വർഗ്ഗക്കാരുണ്ടായിരുന്നതായി ചരിത്ര രേഖകളിൽ കാണുന്നുണ്ട്.