மனுஸ்மிருதியும் பெண்களும்

பெண் என்பவள் ஹிந்துக்களுக்கு ஆதிசக்தி. கார்கி, சீதா, சாவித்திரி, தமயந்தி முதல் பல பெண்மணிகளின் வரலாறு பாரதீய மகளிரின் சிறப்புக்கு சில உதாரணங்கள்.

- பி.எஸ்.சர்மா

'மனுஸ்மிருதி பெண்களை இழிவுபடுத்துவதாகவும் சாதிகளிடையே பிரச்னை ஏற்படுத்துவதாகவும் உள்ளது. இது ஒரு தேவையற்ற நூல்...' என்பது ஒரு பிரச்சாரம்.

ரிஷிகள் நியமித்த ஸ்மிருதிகளில் ஆதிநூல் மனு எழுதிய மனு ஸ்மிருதி. இது கிருதயுகத்தைச் சேர்ந்தது. வேறு சில ரிஷிகளும் அந்தந்த காலத்திற்கேற்ப எழுதிய யாக்ஞவல்கிய ஸ்மிருதி, கௌதம ஸ்ம்ருதி (திரேதாயுகம்), சங்கர் எழுதிய ஸ்ம்ருதி (துவாபர யுகம்), பராசர ஸ்மிருதி (கலியுகம்) ஆகியவையும் உள்ளன.

மனு ஸ்மிருதி மிக மிகப்பழமையான், பல யுகங்களுக்குமுன் எழுதப்பட்ட தர்ம சாஸ்திர நூல். சிருஷ்டியின் தொடக்கம், மாணவர்கள், கணவன், மனைவி, அரசன், அமைச்சர்கள்... ஏன்? மனித இனம் முழுமையும் கடைப்பிடிக்க வேண்டிய வாழ்க்கையின் நியமங்களையும் தர்மநெறி முறைகள் அனைத்தையும் விவரிக்கும் நூல்.