കളത്തിനു പുറത്തെ ശതകോടീശ്വരൻ

ലോകത്തെ ഏറ്റവും വിലപിടിപ്പുള്ള ബ്രാൻഡ് അംബാസഡർമാരിലൊരാൾ, ആഡംബര ഫാഷൻ ബ്രാൻഡിന്റെ ഉടമ, അത്യാഡംബര ഹോട്ടൽ ശൃംഖലയുടെ പങ്കാളി... ലയണൽ മെസ്സി എന്ന ഫുട്ബോൾ മാന്ത്രികൻ കളിക്കളത്തിന് പുറത്ത് ഓരോ ദിവസവും സമ്പാദിക്കുന്നത് ലക്ഷക്കണക്കിന് രൂപയാണ്

- ഷിജു സുകുമാരൻ

ആരാധകരുടെ സ്വന്തം മിശിഹയാണ് ലയണൽ മെസ്സി. എന്നാൽ കളിക്കളത്തിനകത്തും പുറത്തുമുള്ള പാവത്താൻ പരിവേഷത്തിനപ്പുറത്ത് ഒന്നാംതരം ബിസിനസ്സുകാരനാണ് ഈ താരമെന്ന് കണക്കുകൾ പറയുന്നു. മെസ്സിയുടെ മൊത്തം സമ്പാദ്യം എത്ര ഡോളറാണ്? വ്യക്തമായ ഉത്തരം പുറംലോകത്തിനില്ല. കഴിഞ്ഞ വർഷത്തെ കണക്കുകളനുസരിച്ച് അത് 600 ദശലക്ഷം യു.എസ്. ഡോളറാണെന്ന് (4,960 കോടി രൂപ) ഈ രംഗത്തെ പണ്ഡിതർ പറയുന്നു. കളിക്കളത്തിലേതിനേക്കാൾ വരുമാനം അദ്ദേഹം പുറത്തുനിന്ന് നേടുന്നുണ്ട്. ഒട്ടേറെ വമ്പൻ ബ്രാൻഡുകളുടെ അംബാസഡർ എന്ന നിലയിൽ നേടുന്ന വരുമാനം, സോഷ്യൽ മീഡിയ വരുമാനം, സ്വന്തം ഉടമസ്ഥതയിലുള്ള ഹോട്ടലുകൾ, റിസോർട്ടുകൾ, ഫാഷൻ ബ്രാൻഡ് തുടങ്ങിയവയുടെ മൂല്യവും വരുമാനവുമൊക്കെ ചേരുമ്പോൾ ഈ മുപ്പത്തഞ്ചുകാരൻ ഒരു ശതകോടീശ്വരനായി മാറുന്നു. ഓഹരിമൂല്യം കണക്കുകൂട്ടി വ്യവസായികളുടെ സമ്പാദ്യം അളക്കുന്നതുപോലെ എളുപ്പമല്ല, കായികതാരങ്ങളുടെ സമ്പത്ത് മനസ്സിലാക്കുന്നത്. ഇവരുടെ കരാറുകളും ബിസിനസ് ഇടപാടുകളുമൊക്കെ പലപ്പോഴും രഹസ്യമാണ്. പുറത്തറിയുന്ന കണക്കുകളാവില്ല യഥാർഥത്തിലുള്ളത്.

ഫോബ്സിന്റെ കണക്കനുസര ച്ച് 2022-ൽ ലോകത്തെ ശതകോടീശ്വരരായ കായികതാരങ്ങളിൽ മുൻപനാണ് ലയണൽ മെസ്സി. 13 ദശലക്ഷം ഡോളറാണ് പോയ വർഷം താരത്തിന്റെ വരുമാനം.  അതിൽ കളിയിലൂടെ നേടിയത് 75 ദശലക്ഷം (611 കോടി രൂപ). മറ്റ് കരാറുകളിലൂടെ നേടിയതാവ ട്ടെ 55 ദശലക്ഷവും (448 കോടി രൂപ). ബാഴ്സലോണ ക്ലബിൽ നിന്നും പി.എസ്.ജിയിലേക്ക് കൂടുമാറിയ മെസ്സിക്ക് നിലവിൽ 35 മില്യൺ ഡോളറത്രേ (285 കോടി രൂപ) പ്രതിവർഷ ശമ്പളം. അതായത് ഓരോ ആഴ്ചയും ആറ് കോടിയും പ്രതിദിനം 85 ലക്ഷം രൂപയും കളിയിൽ നിന്നു മാത്രം അയാൾ പ്രതിഫലം പറ്റുന്നു. ഈ സീസണൊടുവിൽ പി.എസ്.ജിയുമായുള്ള കരാർ അവസാ നിക്കുമ്പോൾ സൗദി അറേബ്യൻ ക്ലബായ അൽ ഹിലാലിലേക്ക് താരം മാറാനുള്ള സാധ്യതകൾ റിപ്പോർട്ടു ചെയ്യപ്പെടുന്നുണ്ട്. 1,900 കോടിയോളം രൂപ ക്ലബ് വാഗ്ദാനം ചെയ്തതായാണ് വിവരം.

വീടല്ല, കൊട്ടാരങ്ങൾ