ചരിത്ര കഥകളുടെ ഖനി

ഏകുന്നുകളും അവയുടെ താഴ്വരകളും വയലേലകളും നിറഞ്ഞ ദേശം. സംസ്ഥാനത്തെ ആദ്യ അടിസ്ഥാന വിദ്യാഭ്യാസ സ്ഥാപനം നിലവിൽ വന്ന നാടുകൂടിയാണ് രാമനാട്ടുകര

- ഡോ. ഗോപി പുതുക്കോട്

കോഴിക്കോട് ജില്ലയുടെ കിഴക്കേ അതിർത്തി യിലുള്ള ഉപനഗരമാണ് രാമനാട്ടുകര. ചാലിയാറിന് തെക്ക് മുട്ടുംകുന്ന്, ചിറക്കാംകുന്ന്, കോലോർ കുന്ന്, പട്ടായിക്കുന്ന്, പാലക്കൽ കുന്ന്, പുല്ലുംകുന്ന്, ഇത്തിളാംകുന്ന് എന്നിങ്ങനെ ഏഴ് കുന്നുകളും അവയ്ക്കിടയിൽ താഴ്വരകളും വയലേലകളും ചേർന്ന വിസ്തൃതമായ സാംസ്കാരികഭൂമികയാണിത്. സാമൂതിരിയും ടിപ്പുവും ബ്രിട്ടീഷുകാരുമൊക്കെ കിഴക്കോട്ട് പടനയിച്ചത്ഈ മണ്ണിലൂടെയാണ്. ചരിത്രകഥകളുടെ അക്ഷയഖനിയായ ഈ പ്രദേശം ചരിത്രാതീതകാലം മുതൽതന്നെ ജനപദങ്ങളുടെ ആവാസ കേന്ദ്രമായിരുന്നു. നല്ലൂർ, അഴിഞ്ഞിലം, ചെറുകാവ്, കാരാട്, കരുമരക്കാട്, കരിപ്പൂർ, ചേലേമ്പ് എന്നിങ്ങനെ ഏഴ് ദേശങ്ങളാൽ ചുറ്റപ്പെട്ട ഭരണസിരാകേ ന്ദ്രമായി വില്യം ലോഗൻ വിശേഷിപ്പിച്ച രാമനാടിൽനിന്നാണ് രാമനാട്ടുകര എന്ന സ്ഥലനാമം രൂപംകൊണ്ടത്. കാരണമറിയാത്ത ഒരു ഒളിഞ്ഞിരിപ്പ് സ്ഥല നാമത്തിലുണ്ടായതാണ് കൗതുകം. എവിടെയോ ആ പേരുണ്ടായിരുന്നു. എങ്കിലും പഴയ അങ്ങാടി കടുങ്ങോഞ്ചിറ എന്നറിയപ്പെട്ടു. പോസ്റ്റോഫീസ് വെലിപ്രവും.