ગર્ભાવસ્થા કેટલી સાચી આ માન્યતા

પ્રેગ્નન્સી સંબંધિત અનેક માન્યતા દાયકાથી ચાલી રહી છે, પરંતુ શું તમે જાણો છો આ માન્યતા પાછળની હકીકત શું છે..

ગર્ભધારણ અને માતૃત્વ એક શાશ્વત અનુભવ છે, જે દરેક મહિલા માટે અદ્ભુત હોય છે. કોઈ મહિલા માટે ગર્ભધારણ કાળમાં પોતાનું અને બાળકનું સ્વાસ્થ્ય અને ફિટનેસ પર ધ્યાન રાખવું સૌથી સારી ટેવ છે. મોટાભાગની ગર્ભવતી મહિલાઓને મિત્રો અને સગાંસંબંધી ત્યાં સુધી કે અજાણ્યા લોકો પાસેથી પણ કેટલીક સારી સલાહ મળવા લાગે છે.

બધા પોતપોતાની સલાહ આપવા લાગે છે કે ગર્ભવતી મહિલાએ શું કરવું જોઈએ અને શું નહીં. જોકે તેમાંથી કેટલીય સલાહ સાચી હોય છે, પરંતુ કેટલીય સલાહ માત્ર માન્યતા હોય છે અહીં અમે તમને કેટલીક સામાન્ય માન્યતા અને હકીકત વિશે જણાવી રહ્યા છીએ.

તમે ૨ લોકો માટે ભોજન કરો છો : સામાન્ય વજન સાથે કોઈ સરેરાશ ઉંમરવાળી મહિલાને ગર્ભધારણ કાળમાં બાળકના વિકાસ માટે રોજ માત્ર ૩૦૦ કેલરી વધારે લેવાની જરૂર છે.

સામાન્ય વજનવાળી કોઈ મહિલાનો ગર્ભધારણ કાળમાં ૨૫ થી ૩૫ પાઉન્ડ સુધી વજન વધવું જોઈએ અને જો તેનું વજન વધારે છે તો એટલું જ ઘટાડવું પડે છે. સાથે પહેલી વાર મા બનતી મહિલા માટે ૫૦ પાઉન્ડથી વધારે વજન વધવું સીઝેરિયનનું જોખમ વધારે છે કે પછી નોર્મલ ડિલિવરી થવી મુશ્કેલ થઈ જાય છે. જન્મ દરમિયાન જે બાળકનું વધારે ધ્યાન રાખવામાં આવે છે અને તેમાં મોટા થતા સ્થૂળતાથી પીડિત થવાની શક્યતા રહે છે.

વજન ઉઠાવવાથી પ્રસવ પીડા વધશે :

આ વાત આંશિક રીતે સાચી છે. વજન ઉઠાવવાથી કમરનો દુખાવો વધે છે અને સ્પાઈનલ ઈજરીનું કારણ બને છે, પરંતુ જો તેનાથી તમને વધારે સમસ્યા નથી થતી અને તમે વજન ઉઠાવવામાં સમર્થ છો તો થોડુંઘણું વજન ઉઠાવવું સારું છે. અનાજ અને નાનું બાળક જો તમે યોગ્ય રીતે ઉઠાવશો તો આ બિલકુલ સારું માનવામાં આવે છે.