જિમ જવું કેટલું જરૂરી

તમારા માટે એ જાણવું ખૂબ જરૂરી છે કે જિમ જવું જોઈએ કે નહીં...

- શૈલેન્દ્ર સિંહ

બાબુ સુંદર સિંહ ઈન્સ્ટિટયૂટ ઓફ ટેકનોલોજી એન્ડ મેનેજમેન્ટના વાઈસ ચેરપર્સન ૪૨ વર્ષના રીના સિંહ પૂરી કોલેજ સંભાળે છે. તેમની કોલેજમાં ૧૧ હજારથી વધારે છોકરાછોકરીઓ ભણે છે. તેમની મુલાકાત લેવી, તેમની સમસ્યા સાંભળવી અને કોલેજના સ્ટાફ વચ્ચે કામ કરવામાં પૂરા દિવસની વ્યસ્તતા રહેતી હતી.

એવામાં તે પોતાના ડાયટ અને એક્સર્સાઈઝનું ધ્યાન નહોતી રાખી શકતી. ૪૦ પ્લસ પછી મહિલાઓની હેલ્થમાં તમામ પ્રકારના પરિવર્તન થાય છે. સરવાળે આ બધું હેલ્થને પ્રભાવિત કરતું હતું. કામ પછી થાક રહેતો હતો. સ્ટ્રેસ વધતો હતો. એક્સર્સાઈઝ કરવાનું મન નહોતું થતું.

આ સમસ્યાને લઈને જ્યારે રીના ડોક્ટર સાથે વાત કરતી ત્યારે તે પણ એક્સર્સાઈઝ કરવાનું કહેતા. રીનાએ ત્યાર પછી ‘ઊર્જા ફિટનેસ એન્ડ ડાયટ સ્ટુડિયો' જોઈન કર્યો. થોડા દિવસ પછી તેને પોતાની અંદર પોઝિટિવ પરિવર્તન જોવા મળ્યું. હવે તે કોલેજ અને ઘરના કામ કર્યા પછી પણ પહેલાં જેવી થાકતી નથી.

રીના જણાવે છે, ‘હું જિમમાં મળતા ડાયટ પ્લાન અને એક્સર્સાઈઝ કરું છું. પહેલાંથી વધારે સારું ફિલ કરું છું. હું હેલ્થ અને ફિટ રહેવા માટે જિમ જાઉં છું. આજે મહિલાઓએ વધારે જવાબદારી નિભાવવી પડે છે. એવામાં એક્સર્સાઈઝ કરવી ખૂબ જરૂરી છે.

હેલ્થ ઈઝ વેલ્થ

જૂની કહેવત છે ‘હેલ્થ ઈઝ વેલ્થ.’ આ કહેવત જણાવે છે કે હેલ્થ જ આપણી વેલ્થ એટલે સંપત્તિ છે. આજકાલ તેનું મહત્ત્વ વધી ગયું છે. જો તમારી હેલ્થ સારી નથી તો કોઈ પણ સુખસુવિધા કામની નથી. સારી હેલ્થ માટે ફિટનેસ જરૂરી છે. તેનું મહત્ત્વ વધી ગયું છે.

ફિટનેસનો મતલબ ઝીરો ફિગર કે સિક્સ પેક એબ્સ હોવા જરૂરી નથી. ફિટનેસ મતલબ સારી હેલ્થ હોય છે. બીમારીથી દૂર રહેવું પણ સારી હેલ્થમાં આવે છે. શારીરિક રીતે ફિટ હોવાની સાથેસાથે જરૂરી છે કે મેન્ટલ હેલ્થ પણ સારી રહે. સ્વસ્થ, નિરોગી અને ઊર્જાવાન રહેવું જ ફિટનેસની નિશાની છે. તેના માટે રહેણીકરણી, ખાણીપીણી સંતુલિત હોવી જોઈએ, જેથી લાંબા સમય સુધી સ્વસ્થ રહી શકો અને જીવનનો આનંદ માણી શકો.

પર્સનલ ટ્રેનર સારો હોય છે

હેલ્વિ શરીર માટે ૭-૮ કલાકની ઊંઘ, સારો નાસ્તો, લંચ અને ડિનર જરૂરી હોય છે. આજે ન આપણને સારી ઊંઘ મળી રહી છે અને ન તો હેલ્કિ ભોજન. તેની સાથે આપણને ફિટનેસનો સમય પણ નથી મળતો.