ખુશહાલ દાંપત્ય માટે સેક્સ જરૂરી

હેપી અને હેલ્થિ લાઈફ માટે સેક્સ કરવું કેટલું જરૂરી છે, શું જાણવા નહીં માંગો...

- શોભા કટારે

એવું માનવામાં આવે છે કે દાંપત્ય જીવનમાં સેક્સ લાઈફ સારી હોય તો દાંપત્યજીવન ખુશહાલ રહે છે. વિવિધ સંશોધનમાં આ વાત સામે આવી છે કે જે કપલ્સની સેક્સ લાઈફ સારી હોય છે, તે લાંબા સમય સુધી સ્વસ્થ ઉંમર જીવે છે, પરંતુ કેટલીય વાર દાંપત્યજીવનમાં એક સમય પછી બોરિંગ આવવા લાગે છે. જીવન નીરસ બની જાય છે. કંઈ જ નવું નથી થતું. આપણે એકબીજાધી બોર થવા લાગીએ છીએ. આપણા સંબંધમાં બોરિંગ આવી જાય છે અને આપણે એકબીજાની પરવા કર્યા વિના પોતાની દુનિયામાં ખોવાઈ જવા ઈચ્છીએ છીએ.

આપણે કોઈ નિર્ણયમાં એકબીજાની દખલઅંદાજી સહન નથી કરતા અને અવારનવાર ઝઘડા થવા લાગે છે.

જો તમારા જીવનમાં પણ કંઈ આવું થઈ રહ્યું છે તો તમારે જરૂર છે સંબંધને ફરીથી નિખારવાની.

દાંપત્ય જીવનને લાંબા સમય સુધી તરોતાજા રાખવા માટે સેક્સ લાઈફની એક મહત્ત્વની ભૂમિકા હોય છે, તેના માટે સૌથી જરૂરી છે સ્વયંને સ્વસ્થ અને હંમેશાં ઊર્જાથી ભરપૂર રહેવું.

આજકાલ દોડધામવાળી આપણી જે લાઈફસ્ટાઈલ છે, તેમાં સ્વયંને સ્વસ્થ રાખવું કોઈ પડકારથી ઓછું નથી. રાતે મોડા ઊંઘવું, સવારે મોડા ઊઠવું, કસમયે ખાણીપીણી, પોતાનો ફી સમય મોબાઈલ અને ટીવી સામે વિતાવવો વગેરેથી આપણને સ્વસ્થ રાખવાનો સમય જ નથી મળતો અને આપણે ૪૦-૪૫ ની ઉંમર સુધી સ્વયંને ફિટ અને ઊર્જાયુક્ત અનુભવતા નથી, તેની અસર આપણી સેક્સ લાઈફ પર પણ થાય છે.

કેટલીય વાર આપણે પાર્ટનરની ઈચ્છા પૂરી નથી કરી શકતા, જેથી આપણા સંબંધમાં બોરિંગ આવવા લાગે છે અને આપણી સેક્સ લાઈફ જલદી પૂરી થઈ જાય છે, તેથી તમે તમારા સંબંધને લાંબા સમય સુધી ખુશહાલ રાખવા માંગો છો તો સ્વયંને સ્વસ્થ રાખો, જેથી તમે તમારા પાર્ટનરની ઈચ્છા પૂરી કરી શકો.