ఉమ్మడి కుటుంబంలో అందరి మనసు గెలిచేదెలా?

విభిన్న పరిస్థితుల కారణంగా ప్రజలు ఇప్పుడు చిన్న కుటుంబాలుగా జీవించాల్సి వస్తోంది. కానీ ఉమ్మడి కుటుంబంలో ఉన్న శాంతి, భద్రతా భావన మరెక్కడ దొరుకుతాయి?

- - గరిమా పంకజ్

ల౦చ్ సమయంలో పునీత బాక్స్తెరవగానే స్టాఫ్ అంతా సంతోషించే వారు. ఆమె లంచ్బాక్స్ మహిళలందరికీ ఆకర్షణ కేంద్రంగా ఉండేది. అందులో ఎప్పుడూ రకరకాల రుచికరమైన ఆహార పదార్థాలు ఉండేవి. ఉదయాన్నే ఆమె ఇవన్నీ ఎలా చేస్తుందని వారు ఆశ్చర్యపోయేవారు.

ఒక రోజు పునీత ఈ రహస్యాన్ని బయట పెట్టింది. వంట చేసేది తాను కాదు, చెల్లి అని చెప్పింది. వారిలో చర్చ మొదలైంది."మీ చెల్లి కూడా మీ అత్తారింట్లో ఉంటుందా?" విభా నేరుగా అడిగింది.

పునీత నవ్వుతూ “కాదు. ఆమె నా సొంత చెల్లెలు కాదు. తోటికోడలు.నాకు ఆమె సొంత చెల్లెలు కంటే ఎక్కువ.ప్రతి రోజు నాకు, నా పిల్లలకు టిఫిన్ తయారుచేస్తుంది" అని చెప్పింది.

అందరూ ఆశ్చర్యపోయారు.

“ఆమె దగ్గర ఇంత సమయం ఎలా ఉంటుంది. ఆమె ఉద్యోగం చేయట్లేదా?”

"ఆమె జాబ్ చేయదు. కానీ ఇల్లంతా తనే చూసుకుంటుంది. మాతో ఎంతో ఆప్యాయంగా ఉంటుంది. ఆమె లేకుంటే బహుశా నేను ఉద్యోగం చేసేదాన్ని కాదేమో".

“వాహ్, చాలా గొప్ప విషయం. ఇప్పటి కాలంలో ఇతరుల కోసం ఇంతగా ఎవరు చేస్తారు?” అంది విభా.

“ఇతరులు, మన వాళ్లు అని ఏముంది? ఎవరిని మనం సొంతంగా భావిస్తామో వారే మన సర్వస్వం. అమ్మగారింట్లో ఉండే చెల్లెలైనా, అత్తగారింట్లో ఉండే కోడలైనా ఒక్కరే కదా" అని నవ్వింది పునీత.

పునీత ఉమ్మడి కుటుంబంలో తోటికోడలితో ఎంతో చనువుగా ఉండేది.

పునీత భర్త చనిపోయాడు కానీ ఈ ఇంట్లో ఆమె ఎన్నడూ ఒంటరితనాన్ని అనుభవించ లేదు.కుటుంబమంతా ఆమెకు సహకరిస్తుంది.

వినడానికి కొంచెం వింతగా అనిపించినా ఇది సాధ్యమే. సంబంధాన్ని మీరు కాపాడుకుంటే అదే మిమ్మల్ని ముందుకు తీసుకువెళ్తుంది.మీ జీవితంలో ప్రేమ, శాంతి పూలు వికసిస్తాయి.

ప్రస్తుతం చిన్న కుటుంబాలు అంటే న్యూక్లియర్ ఫ్యామిలీలు ఎక్కువగా ఉన్నప్పటికీ, ఒకసారి మీరు ఉమ్మడి కుటుంబంలో నివసిస్తే, ఒంటరిగా ఉండాలని అసలు పట్టుబట్టారు. ఇప్పటి ప్రజలు పరిస్థితుల కారణంగా ఒంటరిగా జీవిస్తున్నారు. పెద్ద నగరాల్లో కుటుంబం అంటే భర్త, భార్య, పిల్లలు మాత్రమే.

ఉమ్మడి కుటుంబం - చిన్న కుటుంబం