యాక్షన్ సినిమా కోసం ఎదురు చూస్తున్నాను - కావ్య థాపర్

'ఈగిల్', 'డబుల్ ఇస్మార్ట్ ' సినిమాల బ్యూటీ కావ్య థాపర్ కథానాయికగా నటించిన తాజా సినిమా 'విశ్వం'. శ్రీను వైట్ల దర్శకత్వంలో గోపీచంద్ కథా నాయకుడిగా టి.జి.విశ్వప్రసాద్, వేణు దోనేపూడి నిర్మించిన ఈ చిత్రం విజయ వంతంగా ప్రదర్శితమవుతోంది.

- - సంపత్ బాలకృష్ణ మానేపల్లి

'ఈగిల్', 'డబుల్ ఇస్మార్ట్ ' సినిమాల బ్యూటీ కావ్య థాపర్ కథానాయికగా నటించిన తాజా సినిమా 'విశ్వం'. శ్రీను వైట్ల దర్శకత్వంలో గోపీచంద్ కథా నాయకుడిగా టి.జి.విశ్వప్రసాద్, వేణు దోనేపూడి నిర్మించిన ఈ చిత్రం విజయ వంతంగా ప్రదర్శితమవుతోంది.ఈ సందర్భంగా గృహశోభకు ప్రత్యేక ఇంటర్వ్యూ ఇచ్చారు.

టా లీవుడ్కు బాలీవుడ్ భామల వలస ఎప్పటి నుంచో ఉంది. ఎందరో నవ యవ్వన సుందరీమణులు అందం, అభినయంతో తెలుగు ప్రేక్షకుల మనసు దోచేస్తున్నారు. 'ఈ మాయ పేరేమిటో' సినిమాతో కావ్య థాపర్ ప్రేక్షకుల్ని మంత్రముగ్ధుల్ని చేసింది.డిగ్రీ కాకుండానే మోడలింగ్లో మెరిసిన కావ్య థాపర్ 'పతంజలి', 'మేక్ మై ట్రిప్', 'కోహినూర్' వంటి బ్రాండ్ ప్రచార ప్రకటనల్లో నటించింది.ఆశించిన ఫలితం రాక తమిళ ప్రేక్షకులను 'మార్కెట్ రాజా ఎంబిబిఎస్' తో పలకరించింది.చెన్నైలో అవకాశాలు లేక మళ్లీ ఫోటోషూట్లు, మోడలింగ్ పై దృష్టి పెట్టింది. మోడలింగ్ చేస్తూనే కథానాయిక అవకాశం కోసం ప్రయత్నించిన కావ్య థాపర్ సినిమా జీవితం ఆరంభంలోనే కండోమ్ యాడ్ చేసి ఓహెూ అనిపించుకుంది. వృత్తిని వృత్తిగానే చూడాలని, వ్యక్తిగతంగా ఫీల్ కావాల్సిన అవసరం లేదని సమర్ధించుకుంది. దీంతో కావ్య థాపర్ ధైర్యాన్ని అందరూ మెచ్చుకున్నారు.

ఫలానా సినిమాలు, పాత్రలు చేయాలని నియమాలు పెట్టుకోకుండా మంచి కథ, ప్రాధాన్యం ఉన్న పాత్ర అయితే చాలని కావ్య థాపర్ నిర్దిష్టమైన ప్రణాళిక వేసుకున్నారు నిరూపించుకోగలిగే అన్ని పాత్రలు అన్ని పాత్రలు చేసేందుకు అంతేకాకుండా కథలో బలం ఉంటే సినిమా ఎలా ఉన్నా ప్రేక్షకులు ఆదరిస్తారని, స్కిన్ షో విషయంలో ఎలాంటి పరిమితులు పెట్టుకోకుండా కథ అవసరాన్ని బట్టి దుస్తులు ధరిస్తారు తప్ప వ్యక్తిగత ఆంక్షలు విధించుకోలేదు కావ్య.