విహంగ వీక్షణం

స్నేహం కోసం మెసేజ్ లు కాదు, నేరుగా మాట్లాడుకోవాలి

"స్నేహమేరా జీవితం, స్నేహమేరా శాశ్వతం" మధురమైన ఆ పాత పాట ఈ వింటే నేటికీ, నా మదిలో ఈ ఆదరా బాదరాగా సాగుతున్న పోటీ జీవితాల్లో ఇలాంటి స్నేహాలు సాధ్యమా? అని నా మనసును తొలుస్తూనే ఉంటుంది. నేడు ప్రజలు ఇల్లు, వ్యాపారం, జీత భత్యాలు, పెద్ద అపార్ట్మెంట్లు, పెద్ద పెద్ద కార్లు కొనుక్కోవాలంటే నిత్యం స్వార్థపూరిత ఆలోచనల్లో జీవిస్తున్నారు. కానీ స్నేహాలే లేకపోతే స్నేహితులు విడిపోయే సమస్యే రాదు. ఉత్పన్నమే కాదు.

భౌతిక ఆనందాల కోసం వెంప ర్లాడుతున్న ఈ తరం మనుషుల తప్పేం లేదు. అసలు సమస్యంతా మారిన జీవన విధానంలోనే ఉంది.మొబైల్, టీవీ, కంప్యూటర్ స్క్రీన్లపై చూస్తూ ఫేస్బుక్ లాంటి సామాజిక మాధ్యమాల్లో హలో హాయ్ అంటూ పలకరించి కృత్రిమ మానవ సంబంధాలతోనే ఈ సమస్య తలెత్తింది.

5 శతాబ్దాల క్రితం వరకు సామాన్యుడికి చదవడం, రాయడం రాదు. కేవలం వినడం మాత్రమే వచ్చు. రాజులు, ధార్మిక గురువులని చెప్పుకునే వారు ఒకటికి రెండు సార్లు చెప్తే కాని వారి మెదడుకు ఎక్కేది కాదు. అది మంచైనా, చెడ్డయినా.