ఫిట్గా ఉండటానికి 7 డైట్ ప్లాన్లు

మీ శరీరాకృతి అందంగా, మీ శరీరం మీ నియంత్రణలో ఉండాలన్నా, మీ శారీరక సమస్యలు మటుమాయం కావాలన్నా, మీరు ఈ ప్రత్యేకమైన ఆహార ప్రణాళికల ప్రకారం తినడానికి ప్రయత్నించండి.

- - గరిమా పంకజ్

మహిళల పోషకాహార సంబంధిత మ ఆరోగ్య సమస్యల సమాచారాన్ని పొందడానికి పరిశోధన సంస్థ కాంటార్ సహకారంతో ఇటీవల ప్రముఖ కన్యూమర్ హెల్త్ కేర్ బ్రాండ్ హేలియన్ సంస్థ 'ది సెంట్రమ్ ఇండియా ఉమెన్స్ హెల్త్ సర్వే' నిర్వహించింది. ఢిల్లీ, ముంబై, చెన్నై, కోలకతాలో 2 నుంచి 65 ఏళ్ల వయసు గల 1200 మందికి పైగా మహిళలపై సర్వే చేసారు. ఈ సర్వే ప్రకారం భారతీయ మహిళలు మూడు ప్రధాన ఆరోగ్య సమస్యలైన బలహీనమైన ఎముకలు (వీక్ బోన్ హెల్త్), రోగ నిరోధక శక్తి లేకపోవడం (లో ఇమ్యూనిటీ) శక్తి హీనత (లో ఎనర్జీ) లతో బాధపడుతున్నారని తేలింది. దీనికి కారణం వారి ఆహారంలో సరైన పోషకాహారం లేకపోవడమే. అంతేకాదు మహిళలు తమ ఆరోగ్యం గురించి తామే పట్టించుకోకపోవడం.

కాబట్టి ప్రస్తుతం మహిళలు తమ ఆహారం పట్ల పూర్తి శ్రద్ధ వహించి, తమ శరీరానికి అవసరమైన ఆహారాన్ని తీసుకోవాల్సిన అవసరం ఎంతో ఉంది. ఈ విషయంలో నిపుణులతో మాట్లాడి లేదా పుస్తకాలలో చదివి మహిళలు సరైన ఆహారాన్ని తీసుకోవాలి.

ప్రత్యామ్నాయంగా ఏదైనా కొత్త ఆహారాన్ని తీసుకునే ముందు, మహిళలు ఎవరికి వారు కొన్ని ప్రశ్నలు వేసుకుని జవాబులు తెలుసుకోవాలి.

అవేమిటంటే :

• మీకు ఎలాంటి ఆహారం అవసరం? ఏ ప్రయోజనం కోసం మీరు డైట్ ప్లాన్ చేస్తు న్నారు? మీకు ఆరోగ్య సమస్యలు ఉన్నాయా? మీరు ఊబకాయంతో బాధపడుతున్నారా? లేదా మీకు మీ ఆరోగ్యం బాగా అనిపిస్తున్నదా? లేదా మీరు కొత్తగా ఆకర్షణీయమైన రూపంలో కనిపించాలనుకుంటున్నారా? ఇలా సమస్య ఏదైనా, దానికనుగుణంగా మీ డైట్ ప్లాన్ను సిద్ధం చేసుకోండి. రెండు మూడు రోజుల తర్వాత మీ మనస్సు మార్చుకుని మీరు తీసుకునే ఆహారంలో మార్పులు చేయవద్దు. కచ్చితంగా మీ డైట్ ప్లాన్ను అమలు చేయాలి.

• మీరు తీసుకునే ఆహారం చాలా పరిమితంగా ఉందా? మీ జీవితంలో మీరు తీసుకునే ఆహారం మీకు సంతృప్తినిస్తోందా? ఈ ఆహారం తీసుకోవడంలో మీరు మీ జీవితాన్ని సంతోషంగా సంతృప్తిగా గడపగలరా? లేదా మీరు తినడానికి ఇంతకంటే మంచి ఆహారం గురించి ఆలోచిస్తారా?

• మీరు తినే ఆహారం నుంచి తగినంత పోషకాహా రాన్ని పొందుతున్నారా? లేదా మీరు బల హీనంగా ఉన్నారా? అలాంటప్పుడు మీకు మరింత శక్తిని ఇచ్చే ఆహారాన్ని తినాలని అనిపిస్తున్నదా?