ఇంకా ప్రేమలో పడలేదు అనుపమ పరమేశ్వరన్

. తొలి సినిమాతోనే కుర్రకారును ఫిదా చేసిన ఈ చిన్నది తన అందంతో మెస్మరైజ్ చేసింది.

- రమేష్ గోపిశెట్టి

'ప్రేమమ్' సినిమాతో వెండి తెరకు పరిచయమైంది మలయాళీ ముద్దుగుమ్మ అనుపమ. తొలి సినిమాతోనే కుర్రకారును ఫిదా చేసిన ఈ చిన్నది తన అందంతో మెస్మరైజ్ చేసింది. గ్లామర్ పాత్రలకు దూరంగా ఉంటూ కేవలం నటనకు ప్రాధాన్యత ఉన్న పాత్రల్లో నటిస్తూ తనకంటూ ఓ ప్రత్యేక గుర్తింపును సంపా దించుకుందీ చిన్నది. '18 పేజెస్', 'ఈగిల్', 'బటర్ ఫ్లై' సినిమాలతో నటిగా మంచి మార్కులు కొట్టేసింది. ఇక అప్పటి నుంచి వెనుతిరిగి చూడకుండా వరుస అవకాశాలు సొంతం చేసుకుంటూ దూసుకు పోతోంది. తాజాగా 'టిల్లు స్క్వేర్' సినిమాతో బిగ్ బ్లాక్ బస్టర్ అందుకుంది.ప్రస్తుతం తెలుగుతో పాటు తమిళ, మలయాళంలో క్రేజీ మూవీస్ చేస్తోంది.ఈ సందర్భంగా అనుపమ పరమేశ్వరన్ తో గృహశోభ స్పెషల్ ఇంటర్వ్యూ..

మీ కెరీర్ను ఎలా ఎంజాయ్ చేస్తున్నారు?

నటిగా నేను ప్రతిక్షణాన్ని ఎంజాయ్ చేస్తున్నాను. మధ్య తరగతి నేపథ్యం నుంచి ఇండస్ట్రీకి వచ్చాను. పైగా నా చిన్నతనం నుంచి నేను ఎప్పుడూ సినిమాల్లో ఉండాలనే అనుకున్నాను. చాలా స్ట్రగుల్ తర్వాత సౌత్లో నాకంటూ హీరోయిన్గా గుర్తింపు సంపాదించు కోవడం సంతోషంగా ఉంది. నటిగా నాకొచ్చిన పేరుకు చాలా గర్వపడుతున్నాను.

'టిల్లు స్క్వేర్ 'లో బోల్డ్ పాత్రలోనూ మెప్పించడంపై మీ స్పందన?