తరచుగా తలనొప్పి వస్తోందా?

తరచుగా వచ్చే తలనొప్పిని నిర్లక్ష్యం చేస్తే తర్వాత తీవ్ర ఇబ్బంది ఎదుర్కోవాల్సి వస్తుంది.వెంటనే నిపుణులైన డాక్టరును సంప్రదించాలి.

- - సోమా ఘోష్

ప ని ఒత్తిడి, నిరాశ అస్తవ్యస్తమైన జీవనశైలి, టెన్షన్ కారణంగా తరచుగా తలనొప్పి వస్తుంటుంది.కొన్నిసార్లు మానసిక ఒత్తిడి కారణంగా తలనొప్పి వస్తుంది. కానీ తలనొప్పి తగ్గకుండా అలాగే ఉంటే మాత్రం అజాగ్రత్తగా ఉండకూడదు. ఇలాంటి తలనొప్పి మెదడు కణితి వంటి తీవ్రమైన వ్యాధికి లక్షణం కావచ్చు. అంతేకాకుండా మైగ్రేన్ వంటి సమస్యలతో బాధపడే వారికి బ్రెయిన్ ట్యూమర్ వచ్చే ప్రమాదం ఉంది.

చాలాసార్లు మనం మైగ్రేన్ నొప్పి పై అశ్రద్ధ చూపిస్తాం. కానీ తలనొప్పి మళ్లీ మళ్లీ వస్తుంటే దానిని ఉపేక్షించవద్దు. సకాలంలో నిపుణుల సలహా తీసుకోవడం చాలా ముఖ్యం.

ముంబైలోని జైనోవా షాల్బీ మల్టీ స్పెషాలిటీ హాస్పిటల్లోని న్యూరాలజిస్ట్ డాక్టర్ ఆకాష్ ఛేడా చెప్పిన ప్రకారం ఇటీవల దేశ వ్యాప్తంగా బ్రెయిన్ ట్యూమర్ల కేసులు పెరుగుతున్నాయి. ఈ వ్యాధికి సకాలంలో చికిత్స చేయకపోతే అది ప్రాణాంతకం కావచ్చని, మెదడు కణితి రోగులలో తలనొప్పి అనేది ఒక సాధారణ లక్షణమని, తరచుగా సాధారణ తలనొప్పి ఉన్న రోగులకు మెదడు కణితి వచ్చే ప్రమాదం ఉందని దాన్ని సాధారణ ప్రజలు గుర్తించడం కష్టమని ఆయన చెప్పారు.