தீபாவளி கொண்டாடும் திருவரங்கம் அரங்கநாதர்!

தீபாவளி நாளில் எண்ணெய் தேய்த்து குளித்து, புத்தாடை அணிந்து, பட்டாசு வெடித்து தீபாவளியை கொண்டாடுவது வழக்கம்.

அதே போல் திருச்சி மாவட்டம் திருவரங்கம் கோவிலில் உள்ள ரங்கநாதரும் தீபாவளியை கொண்டாடுகிறார். புதுமணத் தம்பதிகள் தலைதீபாவளி கொண்டாடுவதுபோல ரங்கநாதரும் பெரியாழ்வாரின் மாப்பிள்ளை என்ற மிடுக்கோடு தீபாவளி கொண்டாடுகிறார்.

முதல்நாள் மாலையே அவருக்கு நல்லெண்ணை, சீயக்காய்தூள், விரலிமஞ்சள் ஆகியவை வழங்கப்படும். இவை அர்ச்சகர் ஒருவர் மூலம் நம் பெருமாள் சன்னதிக்கு அனுப்பி வைக்கப்படும்.

பெருமாளுக்கு வழங்கப்படுவதுபோல திருவரங்கம் கோயில் ஊழியர்களுக்கும் வருடந்தோறும் தீபாவளியன்று எண்ணெய், சீயக்காய்தூள் வழங்கப்படுவது வழக்கம்.