இந்தியா-சீனா பிரச்சினை தீர்ந்ததா?

அண்டை நாட்டோடு ஒரு நாட்டுக்குள்ள உறவு எப்போதும் பலவித பிரச்சினைகளோது தான் அணிவகுத்து நிற்கும்.

- பரிதி

ரஷ்யாவும் அதிலிருந்து பிரிந்த உக்ரைனும் அண்டை நாடாக இருப்பதால் தான் ஒருவருக்கொருவர் காலை வாரிவிடும் சந்தேகத்தில் சண்டை வந்தது.

நமக்கும் சீனா, பாகிஸ்தானுக்கும் இதுதான் பிரச்சினை. எப்போது யார் கச்சை கட்டுவார்களோ என்ற சந்தேகம்தான். அதிலும் இந்திய சீன உறவு மிக விசேஷம்.

ஆனாலும், சமீபத்தில் ரஷ்யாவின் கசானில் நடைபெற்ற பிரிக்ஸ் உச்சி மாநாட்டில் இந்திய ஒன்றிய பிரதமர் நரேந்திர மோடி மற்றும் சீன அதிபர் ஜி ஜின்பிங் இடையே நடந்த சந்திப்புக்கு பின்பு இரு நாடுகளுக்கு இடையேயும் சமரச சமாதானம் ஆகிவிட் டதாக ஒன்றிய அரசும் அதை நடத்தும் பாஜகவும் பிரகடனப்படுத்துகின்றன.

ஆனால் அப்படி ஒரு நிலை ஏற்பட்டுவிட்டதா? பிக்கல், பிடுங்கல் இன்றி பிரச்சினை தீர்ந்துவிட்டதா? என்ற கேள்வி எழுந்துகொண்டிருக்கிறது. ஏனெனில், இந்தியாவுக்கும் சீனாவுக்கும் இடையே இருக்கும் உறவு அப்படி.