காதலில் விழுந்தேன்...

தூத்துக்குடி நகரின் மையப் பகுதியில் அமைந்துள்ள அந்த கணினி மையத்தில் வகுப்புகள் முடியும் நேரம்.... அதுதான் மனோஜ்-மித்ராவின் காதல் பாடம் துவங்கும் நேரம்.... இன்னும் பத்து நிமிடங்கள் இருக்கத்தான் செய்கிறது...

- கண்ணம்மாள் ஸ்ரீதர்

ஆனாலும் மனோஜ் என்ற காதலனின்கள்ள உள்ளமும் கண்களின் பார்வையும் காதலி மித்ராவை நோக்கி நகர்ந்தது... இன்று லெமன் எல்லோ கலர் சுடிதாரில் வந்திருக்கிறாள்...

நல்ல வெள்ளை நிறம்.... உயரமும் அதற்கேற்ற சதையும் தராசில் அளந்து வைத்தாற்போல....சற்றே பெரிய பல் வரிசை... பருவோ மருவோஇல்லாத நீண்ட முகம்..பசு வெண்ணெய் பூசியது போன்ற பால் மேனி. தீட்சண்யமான கருந்திராட்சை கண்கள்..

இதெல்லாம் அவனைக் கவர்ந்தது என்றாலும் உள்ளுக்குள் இழுத்துப்போட்டது பொறாமையோகள்ளமோவன்மமோ எட்டிப் பார்க்காத மித்ராவின் நல்ல மனமே... இரண்டு வருடங்களாக ஒரே பயிற்சி நிறுவனத்தில் இவன் கணினி ஆசிரியராகவும் அவள் மாணவியாகவும் உலா வருகிறார்கள்... இந்தக் கால அவகாசத்தில் மித்ராவை இனம் கண்டு கொண்டவன் அவளிடம் தன்னைத் தொலைத்தான்.

..ஆண்கள் உலகின் சாபத்தின் பிரகாரம் இவன்தான் முதலில் காதலில் குபீரென்று விழுந்தான்... ஆனால் அவளின் சம்மதம் எளிதில் கிடைத்து விடவில்லை...தலை கீழாக நின்று தண்ணீர் குடித்தான்...