அழகுக்கு அளவு கோல் கிடையாது!

சீதா ராமம் ஹிட் அடித்ததைத் தொடர்ந்து பான் இந்தியா நடிகையாக மாறி விட்ட நடிகை மிருணாள் தாக்கூர், தெலுங்கு, இந்தி, தமிழ், மராத்தி படங்களில் இடைவிடாமல் நடித்து வருகிறார்.

- தவா

இருந்தும் அடுத்தடுத்த படங்கள் அவருக்கு சரியாக அமையாமல் பிளாப் மெட்டீரியல் ஆனது சோகக்கதை. இந்நிலையில் தன் திரை வாழ்க்கை பற்றி மிருணாள் மனம் திறந்து பேசுகிறார்.

நடிப்பு தான் உங்க எதிர்காலம்'ன்னு எப்போ முடிவு பண்ணீங்க?

என் பேமிலிக்கு பிடிக்கும் 'ங்கிறதால பல் டாக்டர் ஆக நினைச்சேன். நான் வளரும் போது எனக்கு இருந்த கனவு அதுதான். என்னோட மருத்துவ நுழைவுத் தேர்வுக்காக நான் தயாராகிட்டு இருந்தேன். கிட்டத்தட்ட நான் பி.டி.எஸ். படிப்பில் சேர்ந்துட்டேன். நான் பல் டாக்டராகத் தான் விரும்புறேன்னு நானும் நம்பிட்டு இருந்தேன். ஆனா ஏதோ ஒன்னு தப்பா இருக்கேன்னு தோணுச்சு. நான் ஒரு ஷோவுக்கு ஆடிஷன் போயிருந்தேன். அங்கிருந்து தான் எல்லாமே மாற ஆரம்பிச்சது. அப்போ எனக்கு 16 வயசு. எனக்கு என்ன பிடிக்கும், என்ன செய்ய விரும்புறேன்னு எதைப் பத்தியும் எனக்கு புரிதல் இல்ல.

அதனால் தான் மாஸ் மீடியா கோர்ஸ் பண்ணேன். அந்த சமயத்தில் கிரைம் ஜர்னலிஸ்ட் ஆகி,நியூஸ்'ல லைவ் அப்டேட் பண்ணலாம், அது மூலமா நம்ம முகம் டி.வி.யில் தெரியும்'ன்னு நினைச்சேன்.

பிறகு பத்திரிக்கை, டி.வி.ன்னு இருந்த என்னோட கவனமும், கனவும் திரைப்படங்களை நோக்கி நகர ஆரம்பிச்சது. அதன் காரணமாகத்தான் இப்போ இந்த நிலைக்கு வந்திருக்கேன்.

டி.வி.யில் இருந்து சினிமாவுக்கு வந்தது பற்றி?

 ஏதோ திடீர்னு முடிவு பண்ணி நான் நடிக்க வரலை, ஒரு 10 வருஷம் டைம் எடுத்து பொறுமையா யோசிச்சு தான் நடிகை ஆகி இருக்கேன். முதலில் டி.வி.யில் நடிச்சேன். அப்போ எனக்கு ஸ்டார் வேல்யூ எல்லாம் கிடையாது. நமக்கான அங்கீகாரம் தற்காலிகமானதுன்னு எனக்கு தெரியும். ஒவ்வொரு தருணங்களிலும் கத்துக்க வேண்டிய பாடங்கள் நிறைய இருக்கு. டி.வி. தொடர்களில் நான் வொர்க் பண்ணப்போ கிடைச்ச அனுபவங்கள் தான் இப்போ எப்படி நடிக்கணும், எப்படி டயலாக் டெலிவரி பண்ணனும்'ன்னு ஒவ்வொரு விஷயமும் பார்த்து பார்த்து பண்ண உதவியா இருக்கு.