ஹீரோயின்களுக்கு பஞ்சம் இருக்கிறது !

மம்தா மோகன்தாஸ் நடிப்பு மட்டுமல்ல பின்னணி பாடகியாகவும் திரையுலகில் வலம் வருபவர். பூர்வீகம் கேரள மாநிலம் கன்னூர் என்றாலும் பிறந்தது பஹ்ரைன்.

- மம்தா மோகன் தாஸ்

திருமண உறவில் சங்கமித்து அது சரி வராமல் மீண்டும் திரையுலகில் 2-ஆவது ஓட்டத்தை தொடங்கி இருப்பவர் மம்தா மோகன் தாஸ் தனது திரையுலக அனுபவம் பற்றி பகிர்ந்து கொண்டார்.

தமிழ்த் திரைப்படங்களில் உங்களை அதிகமாக பார்க்க முடியவில்லையே?

உண்மையாக சொல்கிறேன், மலையாளத்தில் நான் ரொம்பவும் பிஸியாக இருக்கிறேன். ஒரு வருடத்தில் இரண்டு அல்லது மூன்று படங்களில்தான் என்னால் நடிக்க முடிகிறது. வாழ்க்கையில் சில தடங்கல்களையும் சந்திக்க வேண்டி இருந்தது. தமிழில் ஒரு சில ஸ்கிரிப்ட்களை கேட்டேன். ஆனால் அவை என்னை திருப்தி படுத்தவில்லை. அந்த நேரத்தில் மகாராஜா வந்தது. என் மனதுக்குள் என்ன இருந்ததோ அதே கேரக்டரில் நடிக்க வாய்ப்பு கிடைத்தது எனக்கு கிடைத்த அதிர்ஷ்டம் என்று நினைத்துக் கொண்டேன். மகாராஜா படம் இந்தளவுக்கு மிகப்பெரிய உயரத்தை தொடும் என்று நான் நினைத்துக் கூட பார்க்கவில்லை. இந்த உணர்ச்சிமயமான படத்தின் பயணத்தை படப் பிடிப்பின் போது நான் புரிந்து கொள்ளவில்லை. படத்தை பார்க்கும் போது இதயமே நின்று விடும் போல் இருந்தது.