இருள் விலகி ஒளி தரும் இருக்கண்குடி மாரியம்மன்!

இந்த உலகமே பராசக்தி வடிவம். அவளின் ஆட்சிதான் அனைத்து இடங்களிலும்.

- ஜி.ஏ.பிரபா

அசையும்,அசைவற்றஜீவன்கள்அனைத்திலும் அவளே நீக்கமற நிறைந்திருக்கிறாள். அவளின் வடிவங்கள்தான் அனைத்து அம்பிகை உருவங்களும்.

அவளுக்கே அளவற்ற சக்தி என்றாலும், அதில் அழைத்ததும் உடனே ஓடி வந்துநம்துயர் துடைப்பவள், அம்பிகை எடுத்த மாரியம்மன் அவதாரமே. சக்திகளுக்கெல்லாம் மேலான சக்தி படைத்தவள். எத்தனையோ மாரியம்மன் கோவில்கள் இருந்தாலும், இருக்கன்குடி மாரியம்மன் கோவில் தனிச் சிறப்பு வாய்ந்தது.

மாரியம்மன் கோவில்கள் கலாசாரச் சிறப்பு வாய்ந்தவை. தமிழகத்தின் கிராமங்களில் இன்றளவும் தொன்று தொட்டு கடைப்பிடிக்கப்பட்டு வரும் வழிபாடு மாரியம்மன். மிகத் தொன்மையான வழிபாடு மாரியம்மன்.

புராணத் தொடர்பு:

இங்கு ஒரு பக்கம் அர்ஜுனா ஆறு என்று ஓடுகிறது. மறுபக்கம் வைப்பாறு ஓடுகிறது. இரண்டுக்கும் இடை டயில் மாரியம்மன் அருள் பாலிக்கிறாள். மகாபாரத காலத்தில் பஞ்ச பாண்டவர்கள் வனவாசம் சென்றபோது அவர்கள் காடு, மலை எல்லாம் ஏறி, கரடு முரடான பாதைகளில் நடந்து மகாலிங்க அடிவாரத்தை அடைகிறார்கள். மிகுந்த களைப்பு, உடல் சோர்வு. தாகம் வேறு. களைப்பு நீங்க வேண்டும். எனவே குளிக்க வேண்டும் என்று நினைக்கும்போது அருகில் எங்கும் ஆறு இல்லை.