ദീർഘദർശ്ശിയായ വിദ്യാഭ്യാസ വിചക്ഷണൻ അഡ്വ. ഡോ. പി. കൃഷ്ണദാസ്

നെഹ്റു ഗ്രൂപ്പ് ഓഫ് ഇൻസ്റ്റിറ്റ്യൂഷൻസിന്റെ നെടുനായകത്വം വഹിക്കുന്ന അഡ്വ. ഡോ. പി. കൃഷ്ണദാസ് തന്റെ വിശേഷങ്ങൾ യൂണിക് ടൈംസിന്റെ വായനക്കാരുമായി പങ്കുവയ്ക്കുന്നു.

- 

ഒരു മനുഷ്യന്റെ മഹത്തായ പാരമ്പര്യം ലക്ഷ്യത്തോടെ ജീവിക്കുക എന്നതാണെന്ന എഴുത്തുകാരൻ റോബിൻ ശർമ്മയുടെ വാക്കുകൾ അന്വർഥമാക്കുന്ന തരത്തിൽ വ്യക്തമായ ലക്ഷ്യബോധത്തോടെയും സമാനതകളില്ലാത്ത വീക്ഷണത്തോടെയും പിതാവ് പി. കെ ദാസ് 1968-ൽ സ്ഥാപിച്ച നെഹ്റു ഗ്രൂപ്പ് ഓഫ് ഇൻസ്റ്റിറ്റ്യൂഷൻസിന്റെ നെടുനായകത്വം വഹിക്കുന്ന അഡ്വ. ഡോ. പി. കൃഷ്ണദാസ് തന്റെ വിശേഷങ്ങൾ യൂണിക് ടൈംസിന്റെ വായനക്കാരുമായി പങ്കുവയ്ക്കുന്നു.

നെഹ്റു ഗ്രൂപ്പ് ഓഫ് ഇൻസ്റ്റിറ്റ്യൂഷ ൻസിന്റെ സ്ഥാപകനായ താങ്കളുടെ പിതാവ്, പരേതനായ പി. കെ. ദാസിന്റെ കാഴ്ചപ്പാട് താങ്കളുടെ നേതൃത്വത്തെ എങ്ങനെ സ്വാധീനിച്ചു? കഠിനാധ്വാനിയും അചഞ്ചലമായ അർപ്പണബോധത്തോടെയും ആത്മാർത്ഥതയോടെയും തന്റെ ടീമിനെ മുന്നിൽ നിന്ന് നയിച്ച എയർ ഫോഴ്സ് ഉദ്യോഗസ്ഥനായിരുന്നു എന്റെ അച്ഛൻ. സേവനത്തിലൂടെ താൻ ഉയർത്തിപ്പിടിച്ച തത്ത്വങ്ങൾ സ്വയം ഉൾക്കൊണ്ട് അച്ചടക്കമുള്ള വ്യക്തിത്വത്തിനുടമയായിരുന്നു അദ്ദേഹം. അദ്ദേഹത്തിന്റെ ദാർശനീക സമീപനവും മാർഗ്ഗനിർദ്ദേശതത്വങ്ങളും ഞങ്ങളെ പ്രചോദിപ്പിക്കുകയും മുന്നോട്ട് നയിക്കുകയും ചെയ്യുന്നു. ഉന്നതവിദ്യാഭ്യാസം താഴെത്തട്ടിൽ എത്തിക്കുകയെന്നതായിരുന്നു അദ്ദേഹത്തിന്റെ ഏറ്റവും വലിയ ആഗ്രഹങ്ങളിലൊന്ന്. അദ്ദേഹത്തിന്റെ കാഴ്ചപ്പാടും പ്രവർത്തനങ്ങളും എന്റെ നേതൃത്വശൈലിയെ ആഴത്തിൽ സ്വാധീനിക്കുകയും എന്നെ മുന്നോട്ട് നയിക്കുകയും ചെയ്യുന്നു.

നെഹ്റു ഗ്രൂപ്പ് ഓഫ് ഇൻസ്റ്റിഷൻസിന്റെ ചെയർമാൻ എന്ന നിലയിൽ തീരുമാനങ്ങൾ കൈക്കൊള്ളുന്നതിന് താങ്കൾ നൽകുന്ന പ്രധാന മൂല്യങ്ങൾ എന്തൊക്കെയാണ്?

ടീം വർക്കിനായുള്ള ആത്മാർഥതയും പ്രതിബദ്ധതയുമാണ് എന്റെ പ്രധാന ശ്രദ്ധാകേന്ദ്രങ്ങൾ. നിർണ്ണായകവും സജ്ജീവവുമായ തിരഞ്ഞടുപ്പുകൾ നടത്തുന്നതിനോടൊപ്പം അതിനുതകുന്ന പ്രധാന കഴിവുകളെ ആശ്രയിക്കുകയും ചെയ്യുന്നു. ആത്മാർഥമായ സഹകരണവും കൂട്ടായ പരിശ്രമവും വിജയത്തിലേക്ക് നയിക്കുമെന്ന് ഞാൻ ഉറച്ചു വിശ്വസിക്കുന്നു, കൂടാതെ ദീർഘവീക്ഷണത്തോടെയും തികഞ്ഞ ബോധ്യത്തോടെയും അറിവോ ടെയുമുള്ള തീരുമാനങ്ങൾക്ക് ഞാൻ മുൻഗണന നൽകുന്നു. കൂടാതെ, മികച്ച ഫലങ്ങൾ നേടുന്നതിനും പുരോഗതി കൈവരിക്കുന്നതിനും പ്രധാന ശക്തികളേയും വൈദഗ്ധ്യത്തേയും പ്രയോജനപ്പെടുത്തുന്നതിലും ഞാൻ ശ്രദ്ധ കേന്ദ്രീകരിക്കുന്നു.