దయా గుణం

ఫరా కప్ప మధుబన్ ప్రైమరీ స్కూలులో 5వ తరగతి చదువుతోంది. ఆమె తన చదువుపై దృష్టి పెట్టి శ్రద్దగా చదువుతోంది. అడవిలోని పోలీసు విభాగంలో ఆఫీసర్ కావాలని ఆమె కోరిక.

- కథ • లలిత్ శౌర్య

ఫరా కప్ప మధుబన్ ప్రైమరీ స్కూలులో 5వ తరగతి చదువుతోంది. ఆమె తన చదువుపై దృష్టి పెట్టి శ్రద్దగా చదువుతోంది. అడవిలోని పోలీసు విభాగంలో ఆఫీసర్ కావాలని ఆమె కోరిక.

కొంత కాలంగా ఒక సామెత ఆమెను ఇబ్బంది పెడుతోంది. ఆమె దాన్ని హిందీ పుస్తకంలో చదివింది. కానీ అర్థం చేసుకోలేకపోయింది. హిందీ సార్ ఆ రోజు స్కూలుకి రాలేదు. దాంతో ఆమె మరింత నిరాశ చెందింది. దాని గురించి ఆమె వాళ్ల బామ్మని అడగాలనుకుంది.

క్లాసులు అయిపోయాక ఫరా ఇంటికి వచ్చింది. బామ్మ వంట చేస్తూ ఉంది. "బామ్మా నేను నిన్ను ఒక విషయం అడగాలనుకుంటున్నాను” అంది ఫరా.

“నన్నెందుకు అడగాలనుకుంటున్నావు. స్కూల్లో మీ టీచర్ని ఎందుకు అడగలేదు?”

“ఈ రోజు స్కూల్ టీచర్ రాలేదు. అందుకే నేను నిన్ను అడగాలనుకుంటున్నాను” అని చెప్పింది

"ఏమని అడగాలనుకుంటున్నావు?”

“బామ్మా నేనొక సామెత చదివాను. ‘దయ దయను పుట్టిస్తుంది' దీనర్థం ఏమిటి?" ఆమె అడిగింది.

“అయితే నువ్వు ఈ సామెతకి అర్థం తెలుసుకోవాలనుకుంటున్నావా? ఇదొక మంచి సామెత. నువ్వు దీనర్థం తప్పకుండా తెలుసుకోవాలి” అంది బామ్మ.

“అందుకే అడుగుతున్నాను చెప్పు బామ్మా."

“నేను నీకు ఒక కథ చెబుతాను. కథలోనే అర్థం దాగి ఉంది" అని చెప్పింది బామ్మ.

అది విని ఫరా చాలా సంతోషించింది. బామ్మ వంట చేయడం ముగించేసింది. అందరు కలిసి తిన్నారు. సాయంత్రం ఫరా ఆమె దగ్గరికి వెళ్లి కథ చెప్పమని అడిగింది.