వెచ్చని దుస్తులు

చలికాలం వచ్చింది. కానీ జోజో నక్క సాధారణ దుస్తులతో స్కూలుకి వచ్చాడు. ఇతర జంతువులన్నీ ఏదో రకమైన వెచ్చని దుస్తులు ధరించి వచ్చాయి. మామూలు దుస్తుల్లో ఉన్న జోజోను చూసి ఉపాధ్యాయుడు "జోజో, నీకు చలిగా అనిపించడం లేదా?” అడిగాడు.

- కథ • జ్ఞానదేవ్ ముఖేష్

చలికాలం వచ్చింది. కానీ జోజో నక్క సాధారణ దుస్తులతో స్కూలుకి వచ్చాడు. ఇతర జంతువులన్నీ ఏదో రకమైన వెచ్చని దుస్తులు ధరించి వచ్చాయి. మామూలు దుస్తుల్లో ఉన్న జోజోను చూసి ఉపాధ్యాయుడు "జోజో, నీకు చలిగా అనిపించడం లేదా?” అడిగాడు.

జోజో వణుకుతూ “సార్, నాకు చాలా చలిగా ఉంది. కానీ ఏం చేయను?” అన్నాడు.

“చలికాలంలో వెచ్చని దుస్తులు వేసుకోవాలని నీకు తెలియదా?" అడిగాడు ఉపాధ్యాయుడు.

“తెలుసు సార్, కానీ మరిచిపోయాను. రేపు తప్పకుండా వెచ్చని దుస్తులు వేసుకుని వస్తాను” జోజో సిగ్గుపడుతూ చెప్పాడు.

ఇంటికి చేరుకున్నాక, జోజో వెచ్చని దుస్తుల గురించి ఆలోచించాడు. 'వెచ్చని దుస్తులంటే ఏమిటి? మనం సాధారణ దుస్తులను ఇస్త్రీ చేసి వెచ్చని దుస్తులుగా మార్చలేమా?' అనుకున్నాడు.

గత సంవత్సరం వరకు అతని దుస్తుల గురించి వాళ్లమ్మ శ్రద్ధ తీసుకునేది. కానీ ఈ సంవత్సరం “జోజో, నువ్విప్పుడు పెద్ద వాడివైపోయావు. ఇక నుంచి నీ దుస్తు లను నువ్వే చూసుకోవాలి" అని చెప్పింది.