మ్యాథ్స్ ఫీవర్

మోంటీ కోతి తన స్కూల్ మ్యాథ్స్ బుక్ "వైపు చూసి “నాకు ఇది మ్యాథ్స్ జ్వరం తెచ్చి పెడుతుంది” అన్నాడు.

- కథ • అషీమా కౌశిక్

మోంటీ కోతి తన స్కూల్ మ్యాథ్స్ బుక్ "వైపు చూసి “నాకు ఇది మ్యాథ్స్ జ్వరం తెచ్చి పెడుతుంది” అన్నాడు.

ఓల్లీ గుడ్లగూబ, లిల్లీ ఎలుగుబంటి, కోకో పిల్లి ఆడుకోవడానికి బయటకు వచ్చారు.

దాంతో మోంటీ మ్యాథ్స్ బుక్ దూరంగా నెట్టి వేసి వారితో కలిసి ఆడుకోవడానికి పరుగెత్తాడు.

“పరీక్షలు ముగిసేదాక ఎదురుచూడలేను.

తర్వాత మన బాస్కెట్బాల్ టోర్నమెంట్ ప్రారంభమవుతుంది. మనం బ్లూ ఫారెస్ట్ను ఓడగొట్టాలి. సరేనా” అన్నాడు లిల్లీ.

“నాకు మ్యాథ్స్ ఫీవర్ ఉంది" భయపడుతూ చెప్పి బెంచీపై కూర్చున్నాడు మోంటీ.

“కానీ నువ్వొక స్టార్ వి" అన్నాడు కోకో.

"ఇతడు బాస్కెట్బాల్ స్టార్. కానీ ఇతనికి ఎప్పుడూ మాథ్స్ మార్కులు సరిగా రావు" అన్నాడు ఓల్లీ.

“అతడు ఏదైనా సబ్జెక్ట్ ఫెయిల్ అయితే, జట్టులో తన స్థానాన్ని కొనసాగించలేడు" చెప్పాడు.

ఆల్రౌండర్ లిల్లీ.

“ఓహ్ లేదు, అంకెలు చూసినప్పుడు నా మెదడు బాస్కెట్బాల్లాగా పైకి కిందకి ఎగురుతుంది.

పుస్తకం తెరవగానే నాకు జ్వరం వచ్చినట్లనిపిస్తుంది” అన్నాడు మోంటీ.

“మనం అతనికి సహాయం చేయాలి" గుసగుసగా చెప్పాడు ఓల్లీ.

సహాయం చేయడానికి వారు మోంటీ గదిలో కలుసుకున్నారు.

నేలపై బాస్కెట్ బాల్స్ పడి ఉన్నాయి.

వాటిపై కాలు వేసి కోకో, లిల్లీ కొన్నిసార్లు జారి పడ్డారు.

“ఈ బాస్కెట్ బాల్స్ నేలపై ప్రతి చోట ఎందుకు ఉన్నాయి?" అడిగాడు లిల్లీ.

“ఎప్పుడు కావాలంటే అప్పుడు నేను ప్రాక్టీసు చేసుకోవడానికి” జవాబు ఇచ్చాడు మోంటీ.

ఒక పెద్ద బౌల్లోని అరటిపండు చిప్స్ అందరికీ ఇచ్చాడు.