കടൽപൊന്ന്

പ്രോട്ടോണിബിയ ഡയകാന്തസ് (Protonibea diacanthus) എന്നാണ് ഗോൽ മീനിന്റെ ശാസ്ത്രനാമം.

- പി.ആർ. സ്വരൺ

ഒരു കിലോ മീനിന് എത്ര വിലയുണ്ടാകും? നമ്മൾ സാധാരണ വാങ്ങുന്ന മീനുകൾക്ക് നൂറോ ഇരുന്നൂറോ അഞ്ഞൂറോ ഒക്കെ ഉണ്ടാവാം അല്ലേ? എന്നാൽ ഒരു കിലോയ്ക്ക് പതിനായിരം രൂപ വിലയുള്ള മീൻ ഉണ്ടാവുമോ? ഉണ്ട്! എങ്കിൽ പിന്നെ അതിനെ കടൽപൊന്ന് എന്ന് തന്നെ വിളിക്കാം, അല്ലെ ബ്ലാക്ക് സ്പോട്ടഡ് ക്രോക്കർ എന്നാണതിന്റെ ഇംഗ്ലീഷ് പേര്. ഗോൽ മീൻ (Ghol fish) എന്നാണ് സാധാരണ പേര്. മലയാളത്തിൽ പടത്തിക്കോര എന്നും പേരുണ്ട്.

പ്രോട്ടോണിബിയ ഡയകാന്തസ് (Protonibea diacanthus) എന്നാണ് ഗോൽ മീനിന്റെ ശാസ്ത്രനാമം. പൂർണവളർച്ചയെത്തിയാൽ ഒന്നര മീറ്ററോളം നീളവും മുപ്പത് കിലോയോളം ഭാരവുമുണ്ടാവും. അന്താരാഷ്ട്ര മാർക്കറ്റിൽ അഞ്ചുലക്ഷത്തോളം രൂപ വിലയും!