നിങ്ങൾക്കും ഒരു പ്ലാനറ്റ് കണ്ടുപിട്ടിക്കാം

നവംബർ പതിനാല് ശിശുദിനം

- ഡോ. അശ്വിൻ ശേഖർ

നമ്മുടെ പ്രപഞ്ചത്തിൽ 'മൊത്തം എത്ര ഗ്രഹങ്ങൾ ഉണ്ടെന്ന് ആലോചിച്ചിട്ടുണ്ടോ? ഇപ്പോഴത്തെ കണക്കു പ്രകാരം പ്രപഞ്ചത്തിൽ 10,000 കോടി (100 ബില്യൺ) ഗാലക്സികൾ ഉണ്ട്. ഇങ്ങനെയുള്ള ഓരോ ഗാലക്സിയിലും 10,000 കോടി (100 ബില്യൺ) നക്ഷത്രങ്ങൾ ഉണ്ട്. അപ്പൊ, പ്രപഞ്ചത്തിൽ ആകെ മൊത്തം 10 നക്ഷത്രങ്ങളുണ്ട്. ഓരോ നക്ഷത്രത്തിനു ചുറ്റും ഒരു ഗ്രഹമെങ്കിലും ഉണ്ടെന്നു സങ്കല്പിച്ചാൽ, പ്രപഞ്ചത്തിൽ ആകമാനം 102 ഗ്രഹങ്ങളും (പ്ലാനറ്റുകൾ) ഉണ്ടെന്നു മനസ്സിലാക്കാം. ഈ എഴുത്തിൽ നിന്നു തന്നെ കൂട്ടുകാർക്കു മനസ്സിലാവും, ഇതൊരു ചെറിയ സംഖ്യയല്ലെന്ന്.

ബുധൻ, ശുക്രൻ, ഭൂമി, ചൊവ്വ, വ്യാഴം, ശനി, യുറാനസ്, നെപ്ട്യൂൺ എന്നിവ നമ്മുടെ സൗരയൂഥത്തിലെ ഗ്രഹങ്ങളാണല്ലോ. സൗരയൂഥത്തിനു പുറത്തും ഇതുപോലെ നക്ഷത്രങ്ങളും ഗ്രഹങ്ങളും ഉപഗ്രഹങ്ങളും ഒക്കെ അടങ്ങിയ അനേകം നക്ഷത്രയൂഥങ്ങളുണ്ട്. അവയിലെ ഗ്രഹങ്ങളെയാണ് ബഹിർ ഗ്രഹങ്ങൾ അഥവാ എക്സോപ്ലാനറ്റുകൾ (exoplanets) എന്നു വിളിക്കുന്നത്.

ഇത്രയധികം വരുന്ന ബഹിർഗ്രഹങ്ങളിൽനിന്ന് കേവലം ആയിരക്കണക്കിന് ബഹിർഗ്രഹങ്ങളെ മാത്രമാണ് മനുഷ്യർ ഇതുവരെ കണ്ടെത്തിയിട്ടുള്ളത്. ഇനിയും എത്ര വേണമെങ്കിലും അത്തരം പുതിയ ഗ്രഹങ്ങൾ കണ്ടുപിടിക്കാനുള്ള സാധ്യത ഒളിഞ്ഞു കിടപ്പുണ്ട്.