നോവ ജീവിതത്തിൽ ഒരിക്കൽ മാത്രം കാണാൻ കഴിയുന്ന കാഴ്ച സെപ്റ്റംബറിൽ

നോവ എന്ന വാക്ക് നിങ്ങൾക്ക് അത്ര പരിചയമുണ്ടാവി ല്ല. എന്നാൽ, സൂപ്പർനോവ എന്ന പേര് മിക്കവാറും നിങ്ങൾക്ക് പരിചി തമായിരിക്കും. ഒരു ഭീമൻ നക്ഷത്രത്തിന്റെ പൊട്ടിത്തെറിയെയാണ് സൂപ്പർനോവ എന്ന് പറയുന്നത്. എന്നാൽ ഒരു വെള്ളക്കുള്ളൻ നക്ഷത്രത്തിൽ നടക്കുന്ന സ്ഫോടനമാണ് നോവ.

- സാബു ജോസ്

കൂട്ടുകാരേ, ജീവിതത്തിൽ, ഒരുപക്ഷേ, ഒരിക്കൽ മാത്രം കാണാൻ കഴിയുന്ന ഒരു അസുലഭ മഹൂർത്തത്തിനായി കാത്തിരുന്നോളൂ. എന്തെന്നല്ലേ? ആകാശത്ത്, അങ്ങകലെ നോവ എന്നറിയപ്പെടുന്ന ഈ നക്ഷത്രപ്പൊട്ടിത്തെറി സംഭവിക്കാൻ പോകുന്നു. ആകാശഗംഗ ഗാലക്സിയിലെ കൊറോണ ബോറിയാലിസ് എന്ന നക്ഷത്രരാശിയിലാണ് ഇതു സംഭവിക്കുന്നത്. സെപ്റ്റംബർ വരെയുള്ള ഏതു സമയത്തും ഈ നോവ പ്രത്യക്ഷപ്പെടാം.

കൊറോണ ബോറിയാലിസ് എന്ന നക്ഷത്രസമൂഹത്തിൽ ഉള്ള ഒരു ഇരട്ട നക്ഷത്രമാണ് ടി. കൊറോണ ബോറിയാലിസ്. ഒരു വെള്ളക്കുള്ളൻ നക്ഷത്രവും ഒരു ചുവന്ന ഭീമൻ നക്ഷത്രവും ചേർന്നതാണ് ഈ നക്ഷത്ര ജോഡി.

വളരെ സാന്ദ്രത കൂടിയ ഒരു മൃതനക്ഷത്രത്തെയാണ് ശാസ്ത്രജ്ഞർ വെള്ളക്കുള്ളൻ എന്ന് പറയുന്നത്. നക്ഷത്ര ങ്ങൾ പരിണമിച്ചെത്തുന്ന ഒരു ദശയാണിത്. വെള്ളക്കുള്ള ന്മാർക്ക് വളരെ ശക്തമായ ഗുരുത്വാകർഷണ വലിവ് ഉണ്ടായിരിക്കും. നേരത്തേ പറഞ്ഞ വെള്ളക്കുള്ളനു സമീപമുള്ള ചുവന്ന ഭീമൻ നക്ഷത്രം വളരെയധികം പ്രായമുള്ളതാണ്. അത് ഏതു നിമിഷവും പൊട്ടിത്തെറിച്ച് ഒരു സൂപ്പർനോവയായി മാറിയേക്കാം.