ഹൻലെ ഇരുളാകാശ സങ്കേതം

വരൂ, കാണൂ... തികച്ചും വ്യത്യസ്തമായ ഈ സംരക്ഷിതപ്രദേശത്ത് വന്യമൃഗങ്ങൾ മാത്രമല്ല, ശുദ്ധാകാശവുമുണ്ട് എന്ന് നമ്മെ ക്ഷണിക്കുകയാണ് ഹൻലേ.

- പി കെ സുധി

പെരിയാർ കടുവാസങ്കേതത്തെ കുറിച്ച് കേട്ടിട്ടുണ്ടോ പത്തെ എന്നു ചോദിക്കുമ്പോൾ തലകുലുക്കുന്ന നമുക്ക് 'അന്ധകാരനിബിഡമായ ആകാശത്തിനായുള്ള സങ്കേതം' എന്നു കേൾക്കുമ്പോൾ തന്നെ അതിശയം തോന്നാം.

തെല്ലും സംശയിക്കേണ്ട. വിദേശങ്ങളിലേതുപോലെ ഇന്ത്യയിലും ഇരുട്ടിനു പ്രാമുഖ്യം നൽകുന്ന ഒരിടമുണ്ട്. ലഡാക്ക് ലേയിൽ നിന്നും 270 കിലോമീറ്റർ അകലെ ഹൻലേ എന്ന പ്രദേശത്താണ് ഹൻലേ ഡാർക്ക് സ്കൈ റിസർവ് (HDSR) സ്ഥിതിചെയ്യുന്നത്. ഈ സ്ഥാപനം കേന്ദ്ര ഗവൺമെന്റിന്റെ ഡിപ്പാർട്ടുമെന്റ് ഓഫ് സയൻസ് ആന്റ് ടെക്നോളജിയുടെ കീഴിലാണ്. ഇത്തരത്തിലുള്ള ഒരു ഡാർക്ക് റിസർവ് നമ്മുടെ രാജ്യത്തെ ആദ്യത്തെ സംരംഭമാണ്.