எவ்ளோ பழைய படம்?

ஒரு ஊருல ஒரு ராணி இருந்தாங்களாம். அவங்களுக்கு... "அச்சோ, பழைய கதைலாம் வேண்டாம், புதுசா எதாச்சும் பேசலாமா? இது உங்க கேள்வியா இருந்தால், இல்லை நாம, பழங்கதையப் பற்றி தான் பேசப் போறோம். அதுவும் 100 ஆண்டு 200 ஆண்டு இல்லை, பல கோடி ஆண்டுகள் பழைய கதை!

- 

அதுக்கு முன்னாடி, ஒரு கற்பனைக் கதை சொல்லவா? நீங்க உங்க பிறந்தநாளுக்குச் சும்மா, சூரியனுக்கு ட்ரிப் போய் இருக்கீங்க (சூரியனோட சூடு தெரியாம இருக்க எல்லா வகையான பாதுகாப்பு சாதனங்களும் உங்ககிட்ட இருக்கு, ஓகே வா?). உங்க தோழி ஒருவர், நெப்டியூனுக்குப் போய் இருக்காங்க. இந்திய நேரப்படி, பிற்பகல் ஒரு மணிக்கு, உங்க தோழி, சூரியனில் நிற்கும் உங்களைப் புகைப்படம் எடுக்குறாங்க. நீங்களோ, புகைப்படம் எடுத்த அடுத்த நிமிடம், வெள்ளை நிற உடையில் இருந்து, சிவப்பு நிற உடைக்கு மாறிடுறிங்க. எடுக்கப்பட்ட புகைப்படம், ஒளி மூலமாகத்தான் சூரியனில் இருந்து நெப்டியூன் வரைக்கும் வந்து சேரும்.